Mattiu 6:31 - Tedim Bible Revision 2017

³¹ Tua ahih manin bang ne dinga, bang dawn dinga, bang silh ding ihi hiam, ci-in lunghimawh lua kei un.

Tedim Bible

³¹ Tua ahih ciangin, ‘Bang ka ne ding hiam? Bang ka dawn ding hiam? Bang ka silh ding hiam?’ ci-in lunghimawh kei un.

Mattiu 6:31 Referans Kwoze

1 PETER MASA 5:7

Pasian in note hong kem ahih manin na lungkhamnate khempeuh uh ama kiang tunpih un.

Luka 12:29

Tua ahih manin bang ne ding, bang dawn ding, ci-in lunghimawhin om tawntung kei un.

Mattiu 4:4

Ahi zongin Jesu in, “Lai Siangtho sungah, ‘Anlum bek tawh mite nungta lo a, Pasian genkhiat thute tawh nungta zaw hi,’ ci-in kigelh hi lo ahi hiam?” ci-in a dawng hi.

Late 55:22

Topa tungah na van gik nga in, amah in hong huh ding hi. Amah in mi thumante kiliingsak ngei lo ding hi.

Mattiu 15:33

Nungzuite in, “Mihon hih zah i piak ding, hih gamlak ah koi panin an ngah ding ihi hiam?” a ci uh hi.

Late 37:3

Topa muang inla, gamtat hoih in. Gam nuamah teeng inla, thumanin om in.

2 KHANG TANGTHU NIHNATE 25:9

Tua ciangin Amaziah in Pasianʼ mipa kiangah, “Ahi ta zongin Israel galkapte tungah ka piak sa talen za khat thu bang cih ding ihi hiam?” a ci hi. Pasianʼ mipa in dawngin, “Topa in hih sangin nakpi takin a tam zaw hong pia thei hi,” a ci hi.

Late 111:5

Amah in amah a zahtakte an pia a, a thuciamna a phawk tawntung hi.

Mattiu 6:25

“Tua ahih ciangin note kiangah kong genin ah: Na nuntak nadingun bang ne-in bang dawn ding cih ahi a, na pumpi uh adingin bang silh ding cih ahi zongin lunghimawh lua kei un. Nuntakna pen an sangin thupi zaw a, pumpi pen puan sangin thupi zaw hi lo ahi hiam?

Mattiu 6:27

Na lunghihmawh manun kua in na khan uh kum bangzah sot to thei na hi uh hiam?

Luka 10:41

Ahi zongin Topa in, “Martha, Martha aw, nang na lunghihmawhna tam hi.

Luka 12:11

Thusitna a thuak dingin kikhopna inn ah ahi a, hausa zumah ahi zongin hong paipih uh ciangin bang gen dinga, bangci kihut ding ka hi hiam, ci-in lunghimawh kei un.

Luka 12:22

Tua ciangin Jesu in a nungzuite kiangah, “Tua ahih ciangin note kiangah kong genin ah: I nuntak nadingin bang ne dinga, i pumpi tungah bang silh ding ihi hiam, ci-in lunghimawh kei un.

Filippi 4:6

Thu khat peuhpeuh ah lunghimawh lua kei unla, na kisap bangbang uh, lungdamna tawh Pasian kiangah na ngen un.