Mattiu 6:26 - Tedim Bible Revision 2017

²⁶ “Vanah a leeng vasate ngaihsun dih un: Amaute in khai tuh lo, an zong la lo, sal sungah zong khol lo napi-in vantungah a om na Pa un tuate a nek ding uh tasamsak lo hi. Tua vasate sangin note manpha zaw thampek hi lo na hi uh hiam?

Tedim Bible

²⁶ “Vanah a om vasate na lungngai un. Amaute in khaici tuhin, vawhin, buh atin, beem sungah a khol kei uh hi. Ahih hangin vantungah a om na Pa un tuate a vaak hi. Tuate sangin note in man tampha zaw hilo na hi uh hiam?

Mattiu 6:26 Referans Kwoze

Late 147:9

Amah in ganhingte le a ham va-aknote an a vak hi.

JOB (Job) 38:41

Va-akte a gil kialin leng kawikawi-in, a note in an duhin kei tungah hong nget ciangun, tua va-akte an a pia pa kua ahi hiam?

Mattiu 6:32

(Gentail mite in lunghihmawh penin a neihte uh hih bangte ahi hi.) Hih nate khempeuh na kisap lamtak uh vantungah a om na Pa un a thei hi.

Mattiu 7:9

Pa ahi note khatpeuh in na tate un anlum hong ngen leh suangtum pia ding na hi uh hiam?

JOB (Job) 35:11

Eite mi pilin a hong bawl, ganhingte le vasate sangin a pil zaw-in a hong bawl Pasianʼ lam nga lo uh hi.

Late 50:11

Huih lak vasate khempeuh keimah in ka thei a, gamlak a gamta khempeuh keima-aʼ ahi hi.

Luka 12:18

Tua ahih manin hih bangin ka gamta ding hi: Ka ansalte phelin a lian zaw ansalte ka lam dinga, tuate sungah ka ante le ka neih khempeuh ka seng ding hi.

Piancilna 6:21

Nek theih an nam khempeuh zong la inla, khol in. Tuate pen nang le amaute adingin an ding ahi hi,” a ci hi.