Mattiu 6:14 - Tedim Bible Revision 2017

¹⁴ Note in midangteʼ hong mawhna na maisak uh leh vantungah a om na Pa un zong noteʼ mawhna hong maisak ding hi.

Tedim Bible

¹⁴ Note in mite mawhna na maisak uh leh, vantungah a om na Pa un note mawhna uh hong maisak ding hi.

Mattiu 6:14 Referans Kwoze

Efesa 4:32

khatlekhat kihehpihin, lungsim nem tawh na kiho zaw unla, Khrisʼ hangin Pasian in noteʼ mawhna hong maisak mah bangin khatlekhat na mawhna uh na kimaisak ta un.

Marka 11:25

Thungen dingin na din uh ciangin midang tungah na hehna uh a om khat peuhpeuh maisak un; tua hileh vantungah a om na Pa un noteʼ mawhna hong maisak ding hi.

Kolose 3:13

Note lakah khatlekhat a kilungkim lo na om uh ciangin khatlekhat na mawhna uh kimaisakin na kihuh ciat un. Topa in noteʼ mawhna hong maisak bangin note zong khatlekhat na mawhna uh na kimaisak ding uh hi.

Mattiu 7:2

Bang hang hiam cih leh midangteʼ thu na khen zia uh tawh kizui-in note tungah hong khen dinga, midangte tungah na zat uh ngeina mah note tungah hong zang ding hi.

Jeim 2:13

Bang hang hiam cih leh hehpihna lungsim a nei lote tungah Pasian in thu a khen ciangin hehpih lo dinga, hehpihna lungsim a neite tungah Pasian in thu a khen ciangin a hehpihna in zo zaw ding hi.

Paunak 21:13

Mizawngteʼ huh ngetna a pia nuam lote pen amau zong cimawhin huhna a nget uh ciangin kipia lo ding hi.

Mattiu 6:12

Kote tungah a hong mawhte mawhmaisakna ka neih bangun koʼ mawhna zong hong maisak in.

1 JOHAN MASA 3:10

Hih pen Pasian tate le Dawimangpaʼ tate a kilamdanna ahi hi. A manin gamta loin, a Khristian mipihte a it lo mi peuhmah, Pasianʼ tate hi lo uh hi.

Mattiu 5:7

Midang a hehpih mite tungah Pasian in hehpihna pia ding ahih manin thupha ngah mi ahi uh hi.

Luka 6:37

“Midangteʼ thu khen kei un. Tua hileh no tungah zong Pasian in thu hong khen lo ding hi. Midangte mawhsak kei un. Tua hileh Pasian in note zong hong mawhsak lo ding hi. Midangteʼ mawhna maisak un. Tua hileh Pasian in noteʼ mawhna zong hong maisak ding hi.

Joshua 22:15

Tua ciangin Gilead gam sunga om Reuben mite, Gad mite le Manasseh minam a langte kiangah va pai-in amaute kiangah,