Mattiu 6:13 - Tedim Bible Revision 2017

¹³ Ze-etna lian hong thuaksak keʼn. Giloʼ kiang pan hong hon khia in,’ (Uk zawhna, vangliatna, minthanna, na nei tawntung hi. Amen.) ci-in na ngen ding uh hi.

Tedim Bible

¹³ Kheemna hong thuaksak kei in. Gilopa kiang pan hong honkhia in,” ci-in tua bangin thu na ngen un,

Mattiu 6:13 Referans Kwoze

1 KORIN MASA 10:13

Na tuah uh ze-etnate khempeuh pen miteʼ tuah ngeingeite mah ahi hi. Pasian in citakin a thuciamna lenkip ahih manin noteʼ thuak zawh loh ding ze-etna hong tuaksak lo ding hi. Ze-etna na tuah hun uh ciangin zong na thuak zawh nading uh thahatna hong guan ding ahih manin na suahtak zawh nading uh lampi hong honsak ding hi.

Johan 17:15

Leitung panin amaute na lakkhiat ding a hong ngetsak ka hi kei a, a Gilopaʼ bawlsiat nading panin na kep ding a hong ngen ka hi hi.

Mattiu 26:41

Ze-etna ah na puk khak loh nadingun thu ngen un. Lungsim in ze-etna nang nuam napi-in pumpi in nang zo lo hi,” a ci hi.

Mangmuhna 19:1

Tua khit ciangin vantungah mihonpi a kikona awging tawh a kibang khat ka za a, “Pasian phat un! Hotkhiatna, minthanna le vangliatna pen eiteʼ Pasian-aʼ ahi hi.

2 THESALONIKA NIHNA 3:3

Note ahihleh, Topa citak mahmah ahih manin hong thahatsak dinga, A Gilopa kiang panin hong hon khia ding hi.

Mattiu 6:10

Na ukna hun hong tung henla, vantung bangin leitungah zong na deih bangin kigamta hen.

Jeremiah 15:21

Migiloteʼ khut sung panin nang kong suaktasak dinga, mi lauhuaiteʼ khut sung panin nang kong hon khia ding hi,” a hong ci hi.

2 PETER NIHNA 2:9

Tua ahih manin Topa in tua bang mihoihte a gimna uh panin suaktasakin, tua bang migilote Thukhen Ni hun dongin gimna pia-in a koihcip theih nading siamna a nei hi.

1 THESALONIKA MASA 1:10

a hong tung ding Pasianʼ hehna panin eite a hong hon khia, sihna panin Pasian in a thawhsakkik a Tapa Jesu, van panin a hong pai ding ngak dingin milim paisanin Pasianʼ lamah na kiheina uh thute mi khempeuh in gen belin a nei uh hi.

Late 47:7

Bang hang hiam cih leh Pasian pen leitung khempeuhteʼ kumpi ahi hi. La sakna tawh amah phat un!

1 KHANG TANGTHU MASATE 29:11

Topa aw, liatna, vangliatna, minthanna, gualzawhna le min liatnate nangma aʼ ahi hi; bang hang hiam cih leh vantung le leitungah a om khempeuh zong nangma aʼ ahi hi. Topa aw, kumpi gam nangma aʼ hi a, tuate khempeuh tungah nang a lutangin hong kisangsak hi.

Mangmuhna 21:4

Amauteʼ mit panin khitui khempeuh nulsak ding hi. Thu lui sate maimang khinta ahih manin sihna, dahna le na sa a kahna cihte om nawn lo ding hi,” a ci hi.

Late 10:16

Topa, a tawntungin kumpi hi a, ama leitang panin minam dangte bei mang ding hi.

Mangmuhna 3:10

Note in lungduai takin na thuak nading uh ka hong thupiakna zui na hih manun leitung a a om mi khempeuh ze-et nadingin leitung bupah a hong tung ding lungkhamna panin kei zong note ka hong suaktasak ding hi.

1 JOHAN MASA 3:8

A kipat cil a kipanin Dawimangpa in mawhna bawl tawntung ahih manin mawhna a bawl mi khempeuhte zong Dawimangpaʼ mi ahi hi. Hih Dawimangpaʼ nasepna a beisak dingin Pasianʼ Tapa a hong pai hi.

1 PETER MASA 5:8

Note pilvangin khua phawk un. Na gal uh ahi Dawimangpa, humpinelkai bangin a nek theih ding zongin vak kawikawi hi.

Late 41:13

Israel Pasian, Topa in khang tawntungin thupha ngah tahen. Amen, Amen!

1 KHANG TANGTHU MASATE 16:36

Israel Pasian, Topa in thupha ngah tahen, a tawntung pan a tawntung dongin!” zong ci lai un, a ci hi. Tua ciangin mi khempeuh in, “Amen!” ci-in Topa a phat uh hi.

1 KHANG TANGTHU MASATE 4:10

Jabez in Israel Pasian tungah thu ngen a, “Kei thupha hong pia-in ka gamgi hong keeksak in. Kei hong ompih inla, siatna khatpeuh in kei hong gimsak loh nadingin hong kem in,” a ci hi. Tua ciangin Pasian in ama ngetna pia hi.

Thu-hilhkikna 8:16

a tawpna ah a hoihin na gamtat theih nading uh a deihna-in note hong niamkhiatin a hong ze-et theih nadingin na pu na pate un a theih loh manna tawh sehnel gamah a hong vak Topa na Pasian uh na mangngilh kha ding uh hi.

Paikhiatna 15:18

Topa in uk tawntung ding hi,” a ci uh hi.

Piancilna 22:1

Hih thute khit ciangin Pasian in Abraham ze-et a, ama kiangah, “Abraham,” a ci hi. Amah in, “Hiah om ing,” a ci hi.

Galati 1:4

A siahuai tu hunsung panin eite a hong suahtaksak nadingin eiteʼ Pa Pasianʼ deihna tawh kizui-in i mawhna hangin tua Jesu Khris a mahmah a hong kipiatawm ahi hi.

2 KORIN NIHNA 1:20

Pasianʼ thuciamte khempeuh a hih pa pen amah ahi hi. Tua ahih manin Jesu Khris hangin Pasian phatin, “Amen,” i cihna zong hih thu hang mah ahi hi.

Late 47:2

Bang hang hiam cih leh Topa, a Sangpen pa, dipkuathuai a, leitung khempeuh a uk kumpi lian khat ahi hi.

Gamlak-vakna 5:22

hih tuisia in na gil sung zui henla, na pumpi pawmsakin na pheipi teemsak hen,’ ci ding hi. Tua ciangin numei in, ‘Amen, Amen,’ ci ding hi.

Mangmuhna 2:10

Na thuak ding uh haksatnate kihta kei un. Dawimangpa in note pawl khat thong sungah hong khia-in hong ze-et ding hi. Gimna na thuak hun ding uh ni sawm sung bek hi ding hi. Na sih dongun kei tungah hong citak un. Tua hileh nuntakna lukhu kong pia ding hi.

Mangmuhna 1:18

a nungta mipa zong ka hi hi. Kei ka si ngei hi. Ahi zongin tu-in hong en in, a nungta tawntung ka hi hi. Sihna le misite omna gam keima khutnuai ahi uh hi.

Mattiu 5:37

Na gen peuhmah ahi ahihleh, ‘Hi,’ ci inla, ahi lo ahihleh, ‘Hi lo,’ cihna tawh kicingsak in. Tua bang hi loin kiciamna kam na zat ciangin Dawimangpa tawh kizomin thuman lo na hih lamtak hong kilang hi.

Daniel 4:25

Mite sung panin hong kihawl khia dinga, gamsate tawh na teeng khawm ding hi. Bawngtal bangin lopa na ne dinga, a pua lamah lumin, kum sagih sung na tungah daitui a hong kia ding hi. Tua ciangin a Lian Pasian in mihingteʼ kumpi gam uk a, a teel mi peuhpeuh kumpi suaksak thei hi, na ci ding hi.

Paunak 30:8

Zuauna le khemna ka zat loh nadingin hong huh inla, a hau lua lo, a zawng lua loin hong bawl inla, ka khamkhop zah lian bek an hong pia in.

Thu-hilhkikna 8:2

A thupiakte na zui uh hiam, na zui kei uh hiam cih a theih nadingin note hong niamkhiatin, na lungsim uh ah bang om hiam cih a theih nadingin Topa na Pasian un sehnel gamah hih kum sawm li sung note hong paipihna lampi khempeuh na ciamteh ding uh hi.

1 KORIN MASA 14:16

Na lungsim bek tawh Pasian tungah lungdamna na koh ciangin kikhopna sungah a om midangte in bangci-in nangʼ thungetna, “Amen,” hong cih pih thei ding ahi hiam? Nangma thungette a theihtheih nading uh bangmah om lo hi.

Mattiu 28:20

Tua ciangin note tungah kong gen thute khempeuh a zuih nadingun na hilh un. Hun bei dongin note a hong ompih tawntung ding ka hihna thu phawk ta un,” a ci hi.

Daniel 7:18

Ahih hangin a Lianpen Pasianʼ mite in kumpi za ngah ding uh a, a tawntungin a nei paisuak ding uh hi,” hong ci hi.

Late 106:48

Topa, Israel Pasian in a tawntung a kipan a tawntung dongin thupha ngah tahen. Mi khempeuh in, “Amen,” ci ta uh hen. Topa phat un.

Late 89:52

Topa in thupha ngah tawntung tahen. Amen! Amen!

Late 72:19

A minthang ama min in thupha ngah tawntung henla, ama minthanna tawh leitung khempeuh kidim tahen. Amen! Amen!

1 KUMPI MASATE 1:36

Tua ciangin Jehoiadaʼ tapa Benaiah in dawngin, “Hi tahen! Topa, ka to kumpipaʼ Pasian in tua bangin kipsak tahen.

Mangmuhna 19:4

Tua ciangin upa sawm nih le lite le ganhing lite in tokhom tungah a tu Pasian mai ah kunin bia uh a, “Amen! Pasian phat un!” a ci uh hi.

Mangmuhna 5:13

Tua ciangin vantung, leitung, leinuai, tuipi sung le mun khempeuh ah a om nuntakna a nei khempeuh in la a sakna uh ka za a, amaute in, “Tokhom tungah a tupa le Tuuno in phatna, pahtawina, minthanna le vangliatna, ngah tawntung tahen,” a ci uh hi.

Mangmuhna 3:14

“Laodisia khua pawlpi vantungmi kiangah lai gelh inla, thuman le citakin teci a pang, Pasianʼ piansakte khempeuh a kipatna ahi Amenʼ thugen in:

Hebru 11:36

Mi pawl khat in simmawhna, satna, sikkol bulhna le thongkiatna zong a thuak uh hi.

1 TIMOTI MASA 1:17

Amah bek Pasian ahi, a kimu thei lo, a si ngei lo, tawntung Kumpipa in minthanna le pahtawina ngah tawntung tahen. Amen.

Jeremiah 28:6

“Amen! Topa in tua na gen bangin hong sem tahen. Topa in na thugen kholhna bangin hong tungsak henla, Babylon khua panin Topaʼ biakinnpi sunga beelte le salin a kimante khempeuh hih lai munah hong lakik tapeuh hen!

Late 22:28

Bang hang hiam cih leh ukna pen Topa aʼ hi a, minamte tungah amah in a uk hi.