Mattiu 6:11 - Tedim Bible Revision 2017

¹¹ Nisim khamkhop an hong pia in.

Tedim Bible

¹¹ Tu ni-a ka khamkhop ding uh an hong pia in.

Mattiu 6:11 Referans Kwoze

Paunak 30:8

Zuauna le khemna ka zat loh nadingin hong huh inla, a hau lua lo, a zawng lua loin hong bawl inla, ka khamkhop zah lian bek an hong pia in.

Luka 11:3

Nisim khamkhop an hong pia in.

Mattiu 4:4

Ahi zongin Jesu in, “Lai Siangtho sungah, ‘Anlum bek tawh mite nungta lo a, Pasian genkhiat thute tawh nungta zaw hi,’ ci-in kigelh hi lo ahi hiam?” ci-in a dawng hi.

Late 34:10

Humpinelkai khanglaite in kisapna le gilkialna thuak a, ahih hangin Topa a zongte in na hoih a kisap uh om lo hi.

JOB (Job) 23:12

Pasianʼ thupiakna bangin ka gamta ngitnget a, keima utna zui loin ama deihna ka zui hi.

Isaiah 33:16

Tua hileh na tangtung ding uh a, kulh muanhuai mahmah sungah a om bangin lungnuam takin na om ding uh hi. Annek tui dawn na kitasam kei ding uh hi.

1 TIMOTI MASA 6:8

Tua ahih manin an nek tui dawn, nikten puansilh i neih nakleh a pha zo ahi hi.

2 THESALONIKA NIHNA 3:12

Tu-in tua bang mite in kuamah nawngkaisak nawn loin manmanin na sem hiathiatin amauʼ nuntak nadingun na a sep nadingun Topa Jesu Khris min tawh hanthawnin thu kong pia uh hi.

Ruth 1:6

Tua ciangin tua nu a mo tegel tawh Moab gam panin a ciahkik dingin kithawi hi. Bang hang hiam cih leh Topa in a mite kemin an a piakna thu Moab gam sung panin amah in za hi.