Mattiu 5:6 - Tedim Bible Revision 2017

⁶ Pasianʼ deih teng sep ding a hanciamte Pasian in lungkimna ngahsak ding ahih manin thupha ngah mi ahi uh hi.

Tedim Bible

⁶ “Gilkial a, an duh banga lungsiangtho a deihte in thupha a ngah ding uh hi. Bang hang hiam na cih uh leh, amau in vaakna a ngah ding uh hi.”

Mattiu 5:6 Referans Kwoze

Johan 4:14

ahi zongin keima piak ding tui a dawn khempeuh dangtakkik nawn lo ding uh hi. Tua ka piak tui a dawnte sungah nuntakna tuinak piang dinga, a nungtasak paisuak ding hi,” a ci hi.

Late 107:9

Bang hang hiam cih leh amah in a gilkial a dangtakte phasak a, bangmah a nei lote tungah na hoih tampi a pia hi.

Johan 6:27

A ning thei ante ngaihsutin nei masa kei unla, nuntak tawntungna an kan masa zaw un. Pa Pasian in tua an a pia dingin kei hong seh sa ahih manin keimah in note tungah nuntak tawntungna an kong pia ding hi,” ci-in a dawng hi.

Late 145:19

Amah a zahtakteʼ deihna a kicingin tungsak a, amauteʼ kikona zong za-in amaute a hon khia hi.

Johan 7:37

Pawi bei ni ding pen a thupi pen ni hi a, tua ni-in mihon lakah Jesu dingin nakpi takin kiko a, “A dangtak na om uh leh ka kiangah hong pai unla tui hong dawn un.

Mangmuhna 7:16

Amaute gilkial cih om nawn lo dinga, a dang uh zong taak nawn lo ding hi. Nisa zong thuak kha nawn lo ding uh a, a sa in zong kaang kha nawn lo ding hi.

Luka 6:21

Tuhunin a gilkial note nidang ciangin na gil uh a vah ding hi. Tuhunin a dah note nidang ciangin na nuam ding uh hi.

Isaiah 44:3

“Bang hang hiam cih leh a dangtak leitang tungah tui ka sung dinga, lei keu tungah luitui ka luangsak ding hi. Na suanlekhakte tungah ka kha ka sung dinga, na tu na tate tungah ka thupha ka pia ding hi.

Luka 1:53

Bangmah a nei lote tungah na manpha tampi pia a, mihaute, khuthawm guakin a pai khiasak hi.

Isaiah 65:13

Tua ahih manin Topa Pasian in hih bangin ci hi: En un, ka nasemte in ne ding uh a, ahih hangin note na gilkial ding uh hi. Ka nasemte in dawn ding uh a, ahih hangin note na dangtak ding uh hi. Ka nasemte lungdam ding uh a, ahih hangin note na maizum ding uh hi.

Late 65:4

Nangma inn ah a om dingin na teel na lakte mi nuamsa ahi hi. Nangma biakinn siangtho, na inn sunga hoihna tawh kote ka lungkim ding uh hi.

Isaiah 25:6

Vanglian Topa in hih mual tungah mi khempeuh adingin an lim nekna pawi, a ciil mahmah leenggahzu nekna pawi, guhngek tawh a kidim annekna, a siangtho leenggahzu ciil nekna pawi bawl ding hi.

Late 84:2

Keʼn ka lunggulh mahmah hi. Topaʼ huang sung ka lunggulh mahmah a, ka lungsim le ka pumpi a nungta Pasianʼ tungah lungdam mahmah in la a sa hi.

Luka 6:25

Tuhunin a gilvah note in gilkial gimna na thuak ding uh hi. Tuhunin a lungdam note dahin na kap ding uh hi.

Isaiah 41:17

Keima mite in tui duhin, tui zongin, a dang uh a taak ciangin amauʼ hong thungetna ka pia dinga, Israel-teʼ Pasian keimah in amaute ka nusia kei ding hi.

Late 63:5

Ka lupna tungah nangmah hong ngaihsunsunin, zan thapai-in kong lungngaihngaih ciangin guhngek le sathau ne bangin ka lung tai mahmah a, lungdam mahmahna tawh nangmah phatna la ka sa ding hi.

Late 17:15

Kei ka hih leh, thumanna tawh na maitang ka en dinga, ka khanlawh ciangin nangma mel muhna tawh ka lungkim ding hi.

Solomon la 5:1

Itluat ka lawmnu aw, ka huan sung hong tung zo ing. Ka paknamtuite ka kaikhawm hi. Ka khuaizu le ka khuailuzu ka ne a, ka leenggahzu le ka bawngnawite ka dawn hi. Nungak le tangval aw, na lungkim piikpeek dongun ne-in dawnin nuamsa un.

Paunak 10:24

Migilote tungah a kihtaktak uh tung a, mihoihte in a deihdeih uh ngah uh hi.

Paunak 21:21

Thuman thutakin gamta tawntung lecin na khan sau-in pahtawina na ngah ding hi.

Jeremiah 31:25

Bang hang hiam cih leh a gim mite ka tawldamsak dinga, gil kialin a tha zawm mite khempeuh an ka vak kham ding hi,” a ci hi.