Mattiu 5:48 - Tedim Bible Revision 2017

⁴⁸ Tua ahih manin vantungah a om na Pa uh a cingtaak mah bangin note zong lungsim citakin na cingtaak nading uh na hanciam un.

Tedim Bible

⁴⁸ Tua ahih ciangin, vantungah a om na Pa uh a migi mah bangin na migi ta un.”

Mattiu 5:48 Referans Kwoze

Jeim 1:4

A kisam bangmah om loin a cingtaak na suah theih nadingun na thuakna uh hangin a tawntungin na kip paisuak nadingun na ngaihsun un.

Siampi Laibu 19:2

“Israel mihonte khempeuh kiangah hih bangin gen in: Note na siangtho ding uh hi; bang hang hiam cih leh Topa noteʼ Pasian keimah ka siangtho hi.

Luka 6:36

Tua ahih manin na Pa un hehpihna a neih bangin note in zong hehpihna lungsim nei ta un.

Thu-hilhkikna 18:13

Note pen Topa na Pasian uh mai ah paubaang loin na om ding uh hi.

Kolose 1:28

Tua ahih manin a milip tungah Khrisʼ thu ka hilh uh a, Khris tawh a kipawlna uh hangin a milipin a khang cingin Pasianʼ omna ah ka tunpih theih nadingun a milip tungah hilhin ka gen khol uh hi.

1 JOHAN MASA 3:3

Khris a siangtho mah bangin amah tawh kibat ding a lamen khempeuh in zong a nuntakna uh siangthosak ding hi.

2 KORIN NIHNA 7:1

Tua ahih manin ka hong it lawmte aw, pumpi le lungsim a ninsak theite khempeuh panin kisiansuahin, Pasian zahtakna tawh nungta-in siangtho sinsenin om ni.

Luka 6:40

Sangnaupang khat a siapa sangin lian zaw ngei lo hi; a sin ding khempeuh a theih khit ciangin a siapa tawh kikim pan bek ding hi.”

Mattiu 5:16

Midangte in na gamtatna hoihte uh a muh ciangin vantungah a om na Pa uh min a phat theih nadingun mite mai ah na gamtat hoihna uh khuavak bangin na kilangsak un.

Piancilna 17:1

Abram kum sawm kua le kum kua a phak ciangin ama tungah Topa kilang a, “Kei, Vanglian Pasian ka hi hi. Hoihtakin gamta inla, paubaang kei in.

Siampi Laibu 11:44

Kei pen Topa na Pasian uh ka hi hi. Tua ahih ciangin note ki-ap unla, kei siangtho ka hih manin note zong siangtho un. Leitungah a bokvak a hon tat ganhing khat peuhpeuh tawh note na kininsak tawm kei ding uh hi.

Siampi Laibu 20:26

Note pen keima adingin na siangtho ding uh hi; bang hang hiam cih leh Topa ahi keimah ka siangtho a, note pen keima-aʼ na hih theih nadingun mite kiang panin note kong tuam koih zo hi.

Mattiu 5:45

Tua hileh vantungah a om na Pa uh tate na hi thei ding uh hi. Bang hang hiam cih leh amah in mihoihte le misiate tungah a kibangin ni taangsak khawm a, a gamtat phate le a gamtat siate tungah zong a kibang mahin guah zusak khawm hi.

Kolose 4:12

Jesu Khris nasem, noteʼ makai Epafras in zong hong hopih hi. Pasianʼ deihna bangin note nungta-in, lungsim khanghamin kip takin na om theih nadingun amah in thu hong ngetsak tawntung hi.

2 KORIN NIHNA 13:9

Koteʼ deih bulpi pen note na cingtaak theih nading uh ahih manin noteʼ thahat laitakin kote ka thaneemna uh zong ka nuam veve uh hi.

Late 37:37

Paubaang lo mi ciamteh inla, thutang mi en in; bang hang hiam cih leh gal a phuang lo mi adingin nopna a om hi.

2 KORIN NIHNA 13:11

Sanggamte aw, tu-in mangpha na man un. Na om zia uh na kipuahpha-in ka hong thugente na zui unla, khatlekhat kithutuak kilem takin na om un. Itna le kilemna a pia thei Pasian in note hong ompih tahen.

Efesa 3:1

No Gentail mite hangin Jesu Khris thu tawh kisai-in thong kia keimah Paul in Pasian kiangah thu ka ngen hi.

2 SAMUEL NIHNA 22:31

“Hih Pasian a thu kicing a, Topaʼ kamciamna a manna kilang hi. Amah a beelte khempeuh adingin kidalna lum ahi hi.

Mattiu 5:47

Na lawmte bek uh hopihin thupha na piak uh leh mi mawkmawkte sangin na hoihzawkna uh bang om ahi hiam? Gentail mite nangawn in tua bang ciang lel hih thei uh hi.

Thu-hilhkikna 27:10

Tua ahih ciangin Topa noteʼ Pasianʼ thu mangin, tu ni-a kong gen uh ama thupiaknate le ama thukhamte na zui ding uh hi,” a ci uh hi.