Mattiu 5:45 - Tedim Bible Revision 2017

⁴⁵ Tua hileh vantungah a om na Pa uh tate na hi thei ding uh hi. Bang hang hiam cih leh amah in mihoihte le misiate tungah a kibangin ni taangsak khawm a, a gamtat phate le a gamtat siate tungah zong a kibang mahin guah zusak khawm hi.

Tedim Bible

⁴⁵ Bang hang hiam na cih uh leh, Pasian in miphate leh migilote tungah ama ni a tangsak kim hi. Misiangthote leh misiangtho lote tungah guah a zusak kim hi.

Mattiu 5:45 Referans Kwoze

Late 145:9

Topa pen mi khempeuh tungah hoih a, a bawl sa khempeuh tungah hehpihna a nei hi.

Luka 6:35

Tua bang lelin note na gamta kei ding uh hi. Na galte uh itin amaute tungah thupha bawl unla, lohkik ding lamen loin leitawi pia un. Tua hileh na thaman uh lian dinga, a Lianpen Pasianʼ tate na hi ding uh hi. Bang hang hiam cih leh lungdamna mel a theithei lo mite le a huaiham mite tungah amah migi hi.

Sawltak 14:17

Ahi zongin amah in a bangci Pasian hiam cih hong lahna-in mite adingin na hoih nono a hong pia hi. Amah in van panin guah hong zusakin, a hunhunin anlak hun ding hong tungsak hi. Amah in noteʼ nek ding an hong pia a, lungdamin a hong omsak hi,” a ci uh hi.

JOB (Job) 25:3

Ama na a sem vantung mite bangzah pha cih kua in sim zo ding ahi hiam? Pasianʼ khuavak in a bat lohna koi lai mun om ahi hiam?

Efesa 5:1

Note pen Pasian in a hong it a tate na hih manun amah tawh na kibat nadingun hanciam un.

Mattiu 5:9

Kilem nading deihin a hanciam mite in Pasianʼ tate cihna ngah ding uh ahih manin thupha ngah mi ahi uh hi.

Johan 13:35

Note khatlekhat ki-it le-uhcin keima nungzuite na hihna uh mi khempeuh in hong thei ding uh hi,” a ci hi.

1 JOHAN MASA 3:9

Pasianʼ tate in mawhna bawlbawl lo uh hi. Pasianʼ tate hi a, Pasianʼ lungsim paii uh ahih manin mawhna zong bawl nuam lo uh hi.

Jeremiah 5:24

A lungsim sung uh ah, ‘A huna guah hong zusak a, tuk guah, khal guah hong pia a, anlak hun ding a hong sehsak den Topa i Pasian zahtak ni,’ a ci kei uh hi.

Filippi 2:15

Tua hileh a lungsim kawi, a hoih lo leitung mite lakah paubaanna a nei lo a siangtho, Pasianʼ tate na hi ding uh a, nuntakna thu na genna uh hangin leitung mite lakah khuavak bangin na hoihna uh a kilang mite na hi ding uh hi.