Mattiu 5:37 - Tedim Bible Revision 2017

³⁷ Na gen peuhmah ahi ahihleh, ‘Hi,’ ci inla, ahi lo ahihleh, ‘Hi lo,’ cihna tawh kicingsak in. Tua bang hi loin kiciamna kam na zat ciangin Dawimangpa tawh kizomin thuman lo na hih lamtak hong kilang hi.

Tedim Bible

³⁷ A hite ‘A hi mah hi’, a hi lote, ‘A hi lo mah hi,’ na ci un. Tua sang a kan zawk leh, a gilo mi’ sung pan a piang hi.”

Mattiu 5:37 Referans Kwoze

Jeim 5:12

Hih thute khempeuh banah, sanggamte aw, thu khat peuhpeuh na gen uh ciangin kiciam se kei un. Vantung ahi a, na khat peuhpeuh tawh ahi zongin kiciam kei un. Pasianʼ thukhenna na thuakkhak loh nadingun ahite, “Hi,” ci lel unla, ahi lote, “Hi lo,” na ci lel un.

Kolose 4:6

Kam na pau uh ciangin miʼ zaknop, miʼ ngaih nop dingin na pau un. Tua hileh na kihopih uh mite khempeuh adingin phattuamna a nei kam a pau na hi ding uh hi.

Kolose 3:9

Ngeina lui le gamtatna lui khempeuh a beisak khin na hihna uh kithei-in khatlekhat tungah zuau thu kigen nawn kei unla,

Johan 8:44

Note pen na pa uh Dawimangpaʼ tate na hi uh a, na pa uh deihna bangin a gamta nuam na hi uh hi. A kipat a kipanin na pa uh mi that hi a, thuman gen ngei lo ahih manin thuman tawh kipawl thei lo hi. Amah pen zuauna khempeuh a pianna a zuaugen pa ahih manin zuau a gen ciangin ama ngeina hi lel hi.

Efesa 4:25

Tua ahih manin zuaugen nawn kei unla, Khris pumpi nate ihihna hangin pawl khat ihih manin khatlekhat tungah thuman kigen ni.

2 THESALONIKA NIHNA 3:3

Note ahihleh, Topa citak mahmah ahih manin hong thahatsak dinga, A Gilopa kiang panin hong hon khia ding hi.

Mattiu 13:19

Mi pawl khat in Pasianʼ hong ukna tawh kisai a lungdamhuai thu za napi-in a thu thei tel lo uh ahih manin Dawimangpa hong pai-in amau lungsim sunga a kivawh thu a lakkhiatsak hi. Hih bangte pen lo lai lampi dung a tu khaicite tawh kibang hi.

Mattiu 13:38

Lo lai pen leitung hi a, taang ci hoih i cih pen Pasianʼ ukna sungah a om mite ahi uh hi. Tahumte pen Gilopa tawh a kipawl mite hi a,

1 JOHAN MASA 5:18

Pasianʼ tate in mawhna bawlbawl lo uh hi. Pasianʼ Tapa in amaute kem a, Dawimangpa in amaute susia zo lo hi.

Mattiu 6:13

Ze-etna lian hong thuaksak keʼn. Giloʼ kiang pan hong hon khia in,’ (Uk zawhna, vangliatna, minthanna, na nei tawntung hi. Amen.) ci-in na ngen ding uh hi.

1 JOHAN MASA 2:13

Pate aw, a kipat cil a kipanin a na om pa thei na hih manun lai a hong gelh ka hi hi. Tangvalte aw, Dawimangpa zo khin na hih manun lai a hong gelh ka hi hi. Tate aw, Pa Pasian thei taktak na hih manun lai a hong gelh ka hi hi.

1 JOHAN MASA 3:12

Dawimangpaʼ mi ahi, a naupa mahmah a that Kain bang kei ni. Kain a gamtatna man lo a, a naupaʼ gamtatna man ahih manin Kain in a naupa a that ahi hi.

Johan 17:15

Leitung panin amaute na lakkhiat ding a hong ngetsak ka hi kei a, a Gilopaʼ bawlsiat nading panin na kep ding a hong ngen ka hi hi.

Mattiu 15:19

Bang hang hiam cih leh lungsim panin mi thahnopna, mi zi tawh mawhnopna, nungak tawh mawhnopna, guktaakna, zuaugenna, mi gensiatna le ngaihsut hoih lo a tuamtuam hong piang khia hi.

Mattiu 5:36

Kiciamna-in na lutang zong na zang kei in. Na lu tunga om samzang khat bek nangawn a kang sa vomsak thei loin, a vom pen na kangsak thei kei hi.

Efesa 6:16

Tua banah, dawimangpaʼ hong kapna thaltang kuangte na suk mit nadingun lum puak bangin upna na nei tawntung un.