Mattiu 5:35 - Tedim Bible Revision 2017

³⁵ Leitung zong kiciamna-in na zang kei un - Pasianʼ khengakna mah hi veve hi. Jerusalem khuapi zong kiciamna-in na zang kei un - Kumpi lian ahi Pasianʼ khuapi mah hi veve hi.

Tedim Bible

³⁵ Leitung in Pasian’ khe ngakna ahih ciangin leitung tawh na kiciam kei un. Jerusalem khuapi in a lian Kumpipa’ khua ahih ciangin Jerusalem khuapi tawh na kiciam kei un.

Mattiu 5:35 Referans Kwoze

Late 48:2

Kumpi lianpaʼ khuapi, leilu lam a a om ama mual siangtho hoihin a sang mahmah Zion mual pen leitung khempeuhʼ lungdamna ahi hi.

Mangmuhna 21:10

Tua laitakin Kha Siangtho tawh ka kidim a, tua vantungmi in mual sang mahmah khat dawnah hong paipih hi. Vantung Pasian kiang panin a hong pai suk Khuapi Siangtho ahi Jerusalem khua a hong lak hi.

Malakhi 1:14

A tuu hon lakah tuutal cidam nei napi-in, a kamciam sa bangin kei tungah hong piak ciangin, a sitbaang ganhing a hong pia mi khempeuh in samsiatna thuak tahen. Bang hang hiam cih leh kei pen a lian mahmah Kumpipa ka hi a, minam khempeuh in kei hong zahtak uh hi,” a ci hi.

Mangmuhna 21:2

Mothak khat a pasal tawh a kituah dingin a kizem bangin vantung Pasian kiang panin Khuapi Siangtho ahi Jerusalem khua thak a hong pai suk ka mu hi.

Late 99:5

I Topa Pasian phat unla, ama khengakna munah bia un. Amah siangtho hi.

Late 87:2

Topa in Israel gam mun dang khempeuhte sangin Zion kulh kongpi it zaw hi.

Isaiah 66:1

Topa in hih bangin ci hi: Vantung pen keima tokhom hi a, leitung pen keima khengakna ahi hi. Kei adingin koi lai ah inn lam dinga, keima tawlngak nading mun koi lai ahi hiam?

Mattiu 5:36

Kiciamna-in na lutang zong na zang kei in. Na lu tunga om samzang khat bek nangawn a kang sa vomsak thei loin, a vom pen na kangsak thei kei hi.