Mattiu 5:19 - Tedim Bible Revision 2017

¹⁹ Tua ahih manin hih thukhamte lak pan a neu pente khat bek nangawn zui kha loin, midangte in zong a zuih loh nadingin a gen mite pen vantung ki-ukna sungah mi neu pen hi ding uh hi. Ahi zongin hih thukhamte zui-in, midangte in zong a zuih nadingin a hilh mite pen vantung ki-ukna sungah mi lian hi ding uh hi.

Tedim Bible

¹⁹ Tua ahih ciangin, mi khatpeuh mah in Thukham a neupen khial a, midangte zong hilh a, a khialhsak leh, tua mi, Vantung Gam sungah mi neupen a kici ding hi. Mi khatpeuh mah in thukham zui a, midangte hilh a, a zuih sak leh, tua mi, Vantung Gam sungah milian a kici ding hi.

Mattiu 5:19 Referans Kwoze

Thu-hilhkikna 12:32

“Note kong thupiak khempeuh na hih ding uh na lim ngaihsut ding uh hi. Na behlap kei ding uh a, zong na khiam kei ding uh hi.

Mattiu 28:20

Tua ciangin note tungah kong gen thute khempeuh a zuih nadingun na hilh un. Hun bei dongin note a hong ompih tawntung ding ka hihna thu phawk ta un,” a ci hi.

Mattiu 11:11

Leitung mi khempeuh sung pan Tuiphumpa Johan a lian pen ahi hi. Ahi zongin vantung ki-ukna sungah a neu pen i cihte nangawn Johan sangin lian zaw lai hi.

Late 119:6

Na thupiakte khempeuh mitsuanin nei ka hih manin, kei ka maizum kei ding hi.

Titu 3:8

Hih ka thugente a man mahmah ahi hi. Tua ahih manin Pasianʼ thu a um mite in gamtat hoih a neih theih nadingun hih ka hong thugente na lim ngaihsut ding ka deih hi. Ka hong thugente a hoih hi a, mite adingin a manpha vive ahi hi.

Daniel 12:3

A pilte ahih uh leh vantung khuavak tawh a taang khawm ding uh hi. A pha-in gamtat ding mi tampi a hilhte pen aksi bangin a taang tawntung ding uh hi.

Late 119:128

Tua ahih ciangin na thuhilhnate khempeuh tawh a kituakin kei ka gamta a, a man lo lampi khempeuh ka mudah hi.

Mangmuhna 2:20

Ahi zongin note ka hong mawhsak nading thu khat om hi. Kamsang numei ka hi, ci-in thu a gen Jezebel na nial kei uh hi. Ama thuhilhna hangin ka nasemte in numei pasal paktatna gamta-in milim biakna ante a ne uh hi.

ROM (Romans) 6:15

Eite pen thukhamʼ uk hi loin Pasianʼ hehpihna in hong uk ahih manin mawhna i gamta kei ding hi.

Thu-hilhkikna 27:26

“‘Hih thute zuihna tawh hih thu a kipsak lo mipa in gimna ngah tahen,’ ci ding uh hi. Tua ciangin mi khempeuh in, ‘Amen,’ ci ding uh hi.

1 TIMOTI MASA 6:11

Ahi zongin Pasianʼ mi ahi nangmah in tua thute khempeuh pelh inla, thuman thutak, Pasianʼ deih bangin nuntakna, upna, itna, kipna le lungnemna na neih zawh nadingin hanciam in.

ROM (Romans) 6:1

Tua ahihleh Pasianʼ hehpihna a liat theih nadingin mawhna bawlbawl ding ihi hiam?

1 PETER MASA 5:4

Tuucing pipa hong pai ciangin a mual ngei lo minthanna lukhu a hong pia ding hi.

Luka 11:42

“No Farisi mite in gimna na thuak ding uh hi. Note in Pasian tungah lengmasel, thuambuak a kipan anteh theipuam dongin sawm-ah-khat pia napi-in, mite tungah thuman ding le Pasian it ding na don kha kei uh hi. Hihte khempeuh na hih kim ding uh hi a, paih khiatna neih ding uh hi lo hi.

Mattiu 19:28

Jesu in amaute kiangah, “Keʼn limtak a kong genin ah: A hong tung ding hun thak sungah a minthanna tokhom tungah Mihing Tapa a tut hun ciangin kei a hong zui note zong, tokhom sawm le nihte tung mahah tu-in Israel minam sawm le nihte tungah thukhenin na om ding uh hi.

1 SAMUEL MASA 2:30

Tua ahih ciangin Israel-teʼ Pasian, Topa in thu hong genin: ‘Nangma innkuan le na behte keima mai ah sung tumin pusuak tawntung ding hi, ci-in thu ka ciam sa hi,’ ci hi. Ahih hangin tu-in Topa in thu genin: ‘Tua bang hi nawn lo ding hi. Bang hang hiam cih leh kei hong pahtawite ka pahtawi dinga, kei hong simmawhte ka simmawh ding hi.

ROM (Romans) 3:8

Thupha a pian nadingin gamtat sia gamta ni, ci ding ihi hiam? Mi pawl khatte in tu-a bang teek mahin gen hi, ci-in hong mawhsak uh a, ka heh theihtheih nadingin kam a pau se uh hi. Tua bang mite in amau thuak dingin a kilawm gimna a thuak ding uh hi.

Sawltak 1:1

Lawm Theofilas aw, Lai ka hong gelh masakna sungah Jesu in nasep a kipat tung a kipanin vantungah amah a kilaktoh hun ciang dong, a thuhilhna le a septe khempeuh cing takin ka gelh hi. Ama sawltak dingin a teel sa mite, Kha Siangtho tungtawnin thu a vaikhak khit ciangin vantungah amah kila to hi.

Luka 9:48

a nungzuite kiangah, “Keima hangin hih naupang a limbawl mi peuhmah in kei hong limbawl hi a, kei hong limbawl mi peuhmah in kei hong sawl pa zong a limbawl ahi hi. Note khempeuh lakah a neu pen pa a lian pen pa ahi hi,” a ci hi.

Luka 1:15

Topaʼ muhna ah amah mi lian khat hi ding hi. Amah in leenggahzu ahi a, khamtheih zu khat peuhpeuh ahi zongin ne lo ding hi. A suah phet a kipanin Kha Siangtho tawh kidim ding hi.

Mattiu 20:26

Ahi zongin note lakah tua bang hi lo ding hi. Note lakah a lian ahi dingte noteʼ nasem hi dinga,

1 JOHAN MASA 3:4

Mawhna i cih pen thukham palsatna ahih manin a mawh mi khempeuh thukham palsat ahi uh hi.