Mattiu 4:20 - Tedim Bible Revision 2017

²⁰ Amau tegel in zong a ngente uh nusia-in Jesu a zui pah uh hi.

Tedim Bible

²⁰ amaute in thakhatin a ngen uh nusia-in Zeisu nung a zui uh hi.

Mattiu 4:20 Referans Kwoze

Mattiu 19:27

Tua ciangin Peter in, “Kote in na khempeuh nusia-in nang ka hong zui uh hi. Tua ahih ciangin bang ngah ding ka hi uh hiam?” ci-in a dot ciangin

Late 119:60

Kei kinawhin, na thupiakte zuih ding ka zekai kei hi.

1 KUMPI MASATE 19:21

Tua ciangin amah a zuihna panin ciahkik a, a bawngtal kolte la-in a bawngtalte go a, a sate bawngtal kolte tawh huanin mite tungah pia a, amaute in a ne uh hi. Tua ciangin amah kithawi-in Elijahʼ nung zui a, ama na a sem hi.

Mattiu 10:37

“Kei sangin a nu a pa a it zawte kei tawh kilawm lo a, kei sangin a tapa a tanu a it zawte kei tawh kilawm lo hi.

Mattiu 4:19

Jesu in amaute kiangah, “Kei hong zui un; nga mat bangin pawl tampi a ngah thei mi kong suaksak ding hi,” ci hi.

Mattiu 4:21

Tua lai panin a paikhiat khit uh ciangin Zebedi tapa James le Johan-te unau, a pa uh tawh gunkuang sungah ngen puah in a om mu leuleu a, amau tegel zong a sam hi.

Luka 5:11

Tui gei ah a gunkuangte uh a tunpih khit uh ciangin a na khempeuh uh nusia-in Jesu a zui uh hi.