Mattiu 4:16 - Tedim Bible Revision 2017

¹⁶ Khuamial sunga a teeng mite in khuavak lianpi mu ding uh hi. Sihna gam khuamial sungah a teeng mite tungah khuavak hong taang ding hi,” ci hi.

Tedim Bible

¹⁶ Khuamial sungah a om mite in, Khuavakna a mu uh hi; Sihna liim gam sungah a tute tungah, Khuavak a taang zo hi,” a ci hi.

Mattiu 4:16 Referans Kwoze

Isaiah 9:2

Khuamial sunga a pai mite in khuavak lianpi mu khinta a, khuamial thukna gam sungah a teeng mite tungah khuavak taang khinzo hi.

Micah 7:8

Ka galte aw, kei tungah lungdam kei un. Ka puk hangin ka thokik veve ding hi. Khuamial sungah ka om hangin Topa in khuavak hong pia ding hi.

Luka 2:32

Gentail mite in khuavak a muh nading le nangma mi Israel-te a minthan nadingin na vaihawm hi,” a ci hi.

Amos 5:8

Van a om aksi Seguk le Zawlzawngte bawlin, khuamial pen khuavak suaksak a, sun pen zan suaksakin, tuipi panin tuite sam khia a, leitungah tua tui a bua khia pa a min pen Topa ahi hi.

JOB (Job) 34:22

Gamtat sia mite a buk theih nadingun a seelcip zo ding, khuamial khuazing koi mahah om lo hi.

Jeremiah 13:16

Topa in khua mialsak a, khua mialna mual tungah na tuk ma un, na lamet uh khuavak pen khuamial bikbek a suah ma-in, Topa na Pasian uh pahtawi un.

JOB (Job) 10:22

khuavak nangawn khuamial ahihna gam, khuamial gam, lungzinna gam, lungkhamna gam, a zuan ta ding ka hi hi,” a ci hi.

JOB (Job) 3:5

Khua niim, khua mial in khuhcip hen. Tua ni-in meiipi zing henla, tua ni awkin valh tum hen.

Isaiah 9:1

Zebulun minamte le Naftali minamteʼ teenna gamte in mindaina thuak ngei uh a, ahi zongin mai lamah pahtawina ngahkik ding uh hi. Mediterranean tuipi a kipanin nisuahna lam Jordan gun gal, minam dangteʼ teenna Galilee gam sung minthangkik ding hi.