Mattiu 4:14 - Tedim Bible Revision 2017

¹⁴ Tua bangin a va teenna pen kamsang pa Isaiah thugen a tun nading ahi hi. Tua a genna ah,

Tedim Bible

¹⁴ Tua a va omna in Pasian’ kamsangpa Isaiah in a gen bang a tun’ nading hi. A genna thu in:

Mattiu 4:14 Referans Kwoze

Mattiu 2:23

Nazareth khua ah a teeng uh hi. Kamsangte in, “Amah pen Nazareth khuami kici ding hi,” ci-in a gen kholhna a tun nadingin hih bangin a piang ahi hi.

Luka 24:44

Tua ciangin Jesu in amaute kiangah, “Tu-a thupiang khempeuh pen note tawh kong om khawm lai-a ka gengen thute mah ahi hi. Moses Thukham laibu sung, kamsangte laibu sung le Late sungah a kigelh thu khempeuh a tung ding ahi hi,” a ci hi.

Luka 22:37

Bang hangin hih bangin hong gen ka hi hiam cih leh, Lai Siangtho in, ‘Mawhneite lakah amah kihelsak hi,’ ci-in keima thu a genna pen hong tung ding hi,” a ci hi.

Mattiu 2:15

Herod a sih hun ciang dong tua gamah a va om uh hi. Kamsang pa tungtawnin Topa in, “Egypt gam panin ka Tapa ka sam khia hi,” ci-in a genna thu a tun nadingin hih bangin a piang ahi hi.

Johan 19:28

Tua hun ciangin Jesu in na khempeuh kicing ta hi, ci-in thei ahih manin Lai Siangtho sungah a kigelh thu a tun theih nadingin, “Ka dangtak hi,” a ci hi.

Johan 15:25

Amauteʼ Thukham sungah, ‘Thu om lopi-in kei hong mudah uh hi,’ ci-in a kigelhna thu a tun theih nadingin a hici mah ding ahi hi.

Mattiu 26:56

Ahi zongin Lai Siangtho sungah kamsangteʼ thugente a tun theih nadingin hih bangin a hong gamta na hi uh hi,” a ci hi. Tua ciangin a nungzuite khempeuh in Jesu nusia-in a taisan uh hi.

Mattiu 26:54

Tua bangin kivaikhak hi zenzen leh Lai Siangtho in tu-a bangin a pian nading a gen pen bangci tun theih ding ahi hiam?” a ci hi.

Mattiu 8:17

Kamsang Isaiah in, “Amah in eiteʼ natna teng thuakin, eiteʼ gimna teng pua khia hi,” ci-in a genna thu a tun nadingin hih bang a piang ahi hi.

Mattiu 1:22

Topa in kamsang pa tungtawnin a gen sa thu a tun theih nadingin hih thute a piang ahi hi. Tua a genna ah,

Mattiu 4:13

Galilee gam Nazareth khua ah omsuak loin paikhia leuleu a, Zebulun le Naftali gam sung Galilee Tuili gei-a om Kapernaum khua ah a va teeng hi.

Mattiu 4:15

“Gentail miteʼ teenna Galilee gam sung, Jordan Gun gal khat, Tuipi lam pangah a om Zebulun le Naftali gam!