Mattiu 3:16 - Tedim Bible Revision 2017

¹⁶ Jesu a kituiphum khit phetin tui sung panin a paikhia pah hi. Tua laitakin vantung hong kihong a, vakhu bangin Pasianʼ Kha Siangtho hong kum sukin ama tungah a khawl a mu hi.

Tedim Bible

¹⁶ Zeisu a kibaptaiz khit tui sung pan a thawhtoh lai takin van kihong a, Pasian’ Kha Siangtho vakhu bangin hong kum sukin, ama tungah a khawl a mu hi.

Mattiu 3:16 Referans Kwoze

Isaiah 11:2

Topa’ kha in ama tungah ama mite a uk nading pilna, thutheihna le siamna pia ding hi. Amah in Topa’ deihna thei-in Topa zahtak ding hi.

Marka 1:10

Tui sung panin Jesu a thawhkhiat khit phetin vantung kihongin, ama tungah vakhu bangin Kha Siangtho a hong kum suk a mu hi.

Isaiah 42:1

Keimah in ka huh, ka teel, ka lungkimna ka nasem pa en un. Ka kha tawh amah ka kidimsak a, amah in minam khempeuh tungah thuman tungsak ding hi.

Isaiah 61:1

Gimna a thuak mite tungah thuhoih a puak dingin Topa in kei hong teelin hong sawl ahih manin keima sungah Topa Pasian’ kha hong om hi. Lungsim kitamzante a damsak ding, salin a kimante tungah suahtakna thu a gen ding, a kikhum mite adingin thong kong a hong ding,

Sawltak 7:56

“En un! Vantung kihong a, Pasianʼ tak lamah Mihing Tapa a ding ka mu hi,” a ci hi.

Ezekiel 1:1

Kum sawm thum ka phak kum, a kha lina, a ni nga ni-in Babylon gam a om Khebar Gun gei ah sal a om Jew midangte tawh ka om laitakin maang ka mu hi. Tua ka maangmuhna ah van hong kihong a, Pasian ka mu hi.

Johan 3:34

Pasian in a sawl mipa tungah ama Kha a kicingin pia ahih manin a sawl mipa in Pasianʼ thugente mah a gen ahi hi.

Isaiah 59:21

“Note tawh hih bangin thuciamna ka bawl hi: Keima vangliatna tawh keima thukhamte le ka thuhilhnate note tungah kong pia khin a, tu a kipanin a tawntungin note in tua thute zui-in na suanlekhakte uh na hilh ding uh a, a khangkhangin na maimangsak kei ding uh hi,” a ci hi.

Johan 1:51

4 Tua ciangin Jesu in, “Keʼn a mantak kong genin ah, vantung a kihong na mu ding uh a, Mihing Tapa le vantung kikalah Pasianʼ vantung mite a kum suk a kah to na mu ding uh hi,” a ci hi.

1 JOHAN MASA 5:6

Hih Jesu Khris pen tui tawh kiphumna le a sisan luangin sihna tawh a hong pai hi a, tui bek tawh a hong pai hi loin tui le sisan tawh a hong pai ahi hi. Kha mahmah in hih thu a manna teci a pang hi. Kha pen thuman gen ahi hi.