Mattiu 27:63 - Tedim Bible Revision 2017

⁶³ “Topa aw, hih mi khem pa in a nuntak lai-in, ‘Ni thum khit ciangin ka hingkik ding hi,’ ci-in a thugenna ka thei uh hi.

Tedim Bible

⁶³ “Topa aw, tua mi khempa in, ‘Ni thum ni-in ka thokik ding hi,’ ci-in a nun’tak lai-in a cih tu-in ka phawk uh hi.

Mattiu 27:63 Referans Kwoze

Luka 9:22

Tua ciangin Jesu in a nungzuite kiangah, “Mihing Tapa in tampi tak thuak dinga, upate, siampi liante le Thukham hilh siate in amah nial ding uh hi. Amah kithat dinga, a ni thum ni-in kihingkiksak ding hi,” a ci hi.

Mattiu 16:21

Tua hun a kipanin Jesu in a nungzuite kiangah, “Jerusalem khua ah ka pai ding hi. Upate, siampi liante le Thukham hilh siate tung panin gimna tampi ka thuak ding hi. Kei hong kithat dinga, ni thum ni-in hong kihingkiksak ding hi,” ci-in teltakin gen a kipan hi.

Johan 2:19

Jesu in, “Hih biakinn susia le-uhcin ni thum sungin ka dingsakkik ding hi,” ci-in a dawng hi.

Luka 18:33

Tua ciangin amah satin that ding uh a, ahi zongin a ni thum ni-in hingkik ding hi,” a ci hi.

Marka 10:34

Tua mite in amah simmawh bawlin, cilphihin, satin a that ding uh hi. Ni thum khit ciangin amah thokik ding hi,” a ci hi.

Marka 8:31

Tua ciangin Jesu in, “Mihing Tapa in tampi tak thuak ding hi; upate, siampi liante le Thukham hilh siate in amah nial ding uh hi. Amah kithat dinga, ni thum khit ciangin hingkik ding hi,” ci-in a nungzuite hilh ding a kipan hi.

Mattiu 20:19

Gentail mite in simmawh bawlin, satin, singlamteh tungah a khai dingin amaute khut sungah a pia ding uh hi. Ahi zongin a ni thum ni-in kihingkiksak ding hi,” ci-in a tuamin thu a hilh hi.

Mattiu 17:23

mite in a that ding uh hi. Ahi zongin a ni thum ni-in kihingkiksak ding hi,” a ci hi. Tua thu a zak uh ciangin nungzuite a dah mahmah uh hi.

Mattiu 26:61

“Hih mipa in, ‘Pasianʼ Biakinn susia-in ni thum sungin ka lamkik thei ding hi,’ ci hi,” a hong ci uh hi.

2 KORIN NIHNA 6:8

Kote hong kipahtawi-in hong kimindaisak zel a, hong kisimmawh bawlin zong hong kiphat zel hi. Thuman gen hi napi-in zuaugen bangin hong kingaihsun a,

Johan 7:12

Ama thu hangin mihonte lakah kam kihona tampi om a, “Amah mihoih mahmah khat hi,” ci uh a, pawl khat in, “Mi khemin a lam khialhpih ding pa ahih manin mihoih hi het lo hi,” a ci uh hi.

Luka 23:2

Tua lai panin amah mawh zon ding kipan uh a, “Hih mipa in ka mipihte uh lam khialsakin, kumpipa tungah siah piak loh dingin thu gen a, a mahmah zong Khris ahi kumpi khat ahihna a kigenna zong ka za uh hi,” a ci uh hi.

Johan 7:47

Farisi mite in, “Note zong hong khem khinzo ta ahi hiam?

Mattiu 27:64

Tua ahih ciangin ni thum sung a han hoihtakin a kicin nadingin thu pia in. Tua hikeileh a nungzuite in a luanghawm gu khia-in mite kiangah, ‘Sihna panin hingkik khin hi,’ ci kha ding uh ahih manin a mi khem masakna uh sangin a khem nunungna uh hong husia zaw lai kha ding hi,” a ci uh hi.

Mattiu 28:6

Hih lai ah amah om nawn lo hi. A gen sa bangin thokik khinta hi. Hong pai unla, amah a kisialna mun hong en un.

Marka 9:31

Bang hang hiam cih leh a nungzuite kiangah thu hilh a, “Mihing Tapa, mihingteʼ khut sungah kipia-in amaute in that ding uh a, ahi zongin ni thum khit ciangin hingkik ding hi,” a ci hi.

Luka 18:31

Tua ciangin Jesu in nungzui sawm le nihte a tuamin paikhiat pihin amaute kiangah, “Tu-in Jerusalem khua ah a pai ding ihi a, kamsangte in Mihing Tapaʼ thu a gelh khempeuh, tua lai munah a hong tung ding hi.