Mattiu 27:51 - Tedim Bible Revision 2017

⁵¹ Tua laitakin biakinn sung deina puan, a lu panin a taw dongin kikekin phel nih a suak hi. Zin zong liingin suangtumpite kitam hi.

Tedim Bible

⁵¹ Tua lai takin Pasian biakna innpi’ dalna puan a tung lam pan a nuai lam dongin phel nih kisuah hi. Ziin liinga suangpite zong a kitam hi.

Mattiu 27:51 Referans Kwoze

Marka 15:38

Biakinn sunga kidalna puan a tung lam pan a taw dongin kikekin phel nih a kisuah hi.

Hebru 6:19

I lungsim a hong kipsak dingin tu-a bang lametna a nei ihi hi. Tua i lametna kician mahmah a, vantung biakinn siangtho tawngnung sung ciang dong tung khinta hi.

Luka 23:45

tua hun sungin biakinn sung dalna puan kikekin phel nih a suak hi.

Mangmuhna 11:19

Tua ciangin vantungah a om Pasian biakna innpi kihong a, a Thuciamna Singkuang zong biakinn sungah a om a kimu hi. Tua ciangin nakpi takin khua phia-in a ging lianpi om a, van gingin zin liing a, gialpi a kia hi.

Mattiu 27:54

Jesu enin a om galkap bupa le galkapte in zinlinna le a thupiangte a muh uh ciangin lamdang sa mahmah uh a, “Hih pa, Pasianʼ Tapa taktak mah ahi hi,” a ci uh hi.

Mattiu 28:2

Thakhatin zin nakpi takin hong liing hi. Topaʼ vantungmi khat, vantung panin hong pai suk a, han hukna suang a likkhiat khit ciangin a tungah a tu hi.

Isaiah 25:7

Amah in mi khempeuhʼ khuk dahna puan le minam khempeuhʼ silh dahna puante, hih mual tungah susia ding hi.

Mangmuhna 11:13

Tua hun laitakin nakpi takin zin liing a, a khuapi seh sawm suah seh khat tang ding kisiacip a, tua zin liing in mi tul sagih a sisak hi. A si lo a hing laite lau mahmah uh a, vantung Pasian a liatna thu a phat uh hi.

Hebru 9:3

Tua Siangtho Mun a kideina zomah Siangtho Pen Mun a kici a dei dang khat om leuleu hi.

Habakkuk 3:10

Mual liante in nang hong muh ciangin liing uh a, van panin guah tampi hong zu hi. Leinuai-a om tuite ging zuazua a, tuihualte in a sang pipi ban to hi.

2 KHANG TANGTHU NIHNATE 3:14

Tua ciangin amah in a dum, a ausan le a dupsan puante le saihadial puan tawh a dalna puan bawl a, tua tungah kherub-te a bawl hi.

Siampi Laibu 21:23

Ahih hangin amah in poina nei ahih manin, ka biakbuk a daisak loh nadingin dalna puan gei ahi a, biakna tau nai ah ahi zongin hong pai lo ding hi. Bang hang hiam cih leh amaute a siangthosak pa pen keimah Topa ka hi hi,” a ci hi.

Habakkuk 3:13

Na mite a hon khia dingin na paikhia a, na teel kumpipa, a hon khia dingin na kuan khia hi. Migiloteʼ makai pa na su gawp a, a nungzui khempeuh tawh zong na sumai hi.

Late 18:15

Topa aw, nangma mawhsakna na awging hangin tuipi taw kidawk a, lei bulpite a guakin om hi.

Late 18:7

Ama hehna hangin leitung kipumpei-in kivei a, mual bulpite zong kisingin liing damdam hi.

Siampi Laibu 16:2

Topa in Moses kiangah, “Thuciamna singkuang tunga om hehpihna tokhom mai, dalna puan sung lam a siangtho munah a hun lopi-in hong pai nawn loh nadingin na sanggampa Aaron kiangah gen in. A hun lopi-in hong pai leh amah si ding hi. Bang hang hiam cih leh tua mun pen hehpihna tokhom tunga meii sungah kei ka kilatna mun ahi hi.

Paikhiatna 40:21

Biakbuk sungah singkuang paipihin, kong puankhai dalna puan khai a, thuciamna singkuang a dal hi.

Gamlak-vakna 4:5

“Giahphual a kisuan ding ciangin Aaron le a tapate tumin kidalna puan la khia ding uh a, tua puan tawh thuciamna singkuang tun ding uh hi.

Luka 23:47

Galkap mangpa in hih thupiang a muh ciangin Pasian phat a, “Hih pa, mihoih taktak khat ahi hi,” a ci hi.