Mattiu 27:50 - Tedim Bible Revision 2017

⁵⁰ Tua ciangin Jesu nakpi takin kiko kikin a si ta hi.

Tedim Bible

⁵⁰ Zeisu in khatvei nakpi-in a kiko kik khit ciangin a si hi.

Mattiu 27:50 Referans Kwoze

Johan 19:30

Jesu in tua leenggah-zuhau ciamin, “Man khinta hi,” a cih khit ciangin a lu puksukin a si ta hi.

Luka 23:46

Tua ciangin nakpi takin Jesu kiko a, “Pa aw, nangma khut sungah keimah kong ki-ap hi,” a cih khit ciangin a si ta hi.

Hebru 9:14

tawntung Kha Siangtho hangin Pasian tungah a cingtaak biakpiak nadingin Khris in a piak ama sisan in na tam sem khia zo zaw dinga, a nungta Pasianʼ na i sep theih nadingin bangmahin a kimang lo nasepna panin ama sisan in i lungsim hong siangsak ding hi.

Marka 15:37

Tua ciangin nakpi takin Jesu kiko-in a laitat hi.

Mattiu 20:28

Mihing Tapa zong nasem nei dingin hong pai hi loin midangte ading na semin, mi tampi tat nading a si dingin a hong pai ahih mah bangin note zong a tua ci ding na hi uh hi,” a ci hi.

Johan 10:11

“Kei, tuucing hoih ka hi hi. Tuucing hoih in a tuute sihpih ngam hi.

Daniel 9:26

Tua hun a bei khit ciangin sathau kinilh pa thuman lopi-in a kithat ding hi. Galsim dingin a hong pai galkap maang lianpa in khuapi le biakinnpi a susia ding hi. A beina pen tuiciin tun bang hi dinga, a tawp dongin galdona le kisiatna vive ahi dingin Pasian in thu a khen zo hi.

Hebru 2:14

Tate a cih mite pen leitung cilesa a nei mite ahih manin, ama sihna hangin sihna a uk Dawimangpa a suk gawp theih nadingin Jesu in mihing pianzia mah hong nei phot hi.

Mattiu 27:49

Ahi zongin a dangte in, “Khawl dih un; amah a hon khia dingin Elijah hong pai hiam ngak dih ni,” a ci uh hi.

Johan 19:29

Tua lai ah beel khat dimin leenggah-zuhau om ahih manin amaute in tua sungah tuihupna diahin puknah hiang dawnah a koih khit uh ciangin Jesuʼ kam ah a va tah to uh hi.

Hebru 5:7

Leitungah mihingin Jesu a om lai-in sihna panin amah a hon khia thei ding Pasian tungah thu ngenin khitui naptui tawh thumin na kiko hi.