Mattiu 27:31 - Tedim Bible Revision 2017

³¹ Tua bangin a simmawh bawl khit uh ciangin a puansan silhsak uh suah khia leuleu-in ama puan mah silhsakkik uh a, singlamteh tungah thah dingin a paikhiatpih uh hi.

Tedim Bible

³¹ Tua bangin Zeisu a khelbawl khit uh ciangin puansan suahkhia uh a ama puan a silhsak kik khit uh ciangin, singlamteh tungah thah dingin a paipih uh hi.

Mattiu 27:31 Referans Kwoze

Isaiah 53:7

“Amah kinengniamin gimna a kithuaksak hangin amah kam khat beek pau lo hi. Sa gote kiangah a kipaipih tuuno le a mul mette mai ah a kipaipih tuu a ham loh mah bangin amah kam khat beek pau lo hi.

Hebru 13:12

Tua mah bangin Jesu in zong ama sisan tawh miteʼ mawhna a siansak theih nadingin khuapi pua lamah a si hi.

Sawltak 7:58

khua pua lamah kai khia-in suang gol pipi a khiat uh hi. Hih thu ah teci pangin Stefen a deng mite in a puan tungsilh uh suahin Saul a kici tangval khat kiangah lawnin a kemsak uh hi.

Mattiu 21:39

Tua ahih manin amah manin that uh a, lo nawl ah a paai uh hi.

1 KUMPI MASATE 21:13

Tua ciangin mi ginalo nihte hong pai-in ama mai ah tu uh hi. Tua ciangin mi ginalo nihte in miteʼ omin Nabothʼ mawhna zong uh a, “Naboth in Pasian le kumpipa samsia hi,” a ci uh hi. Tua ahih ciangin amaute in khuapi pua lamah amah paipih uh a, suang tawh amah deng lum uh hi.

1 KUMPI MASATE 21:10

Ama mai ah mi ginalo nih koihin ama lang khat ah mawhna zongsakin, ‘Nang in Pasian le kumpipa na samsia hi,’ cisak un. Tua ciangin amah la khia unla deng lum un,” a ci hi.

Johan 19:27

Tua ciangin a nungzui pa kiangah, “Na nu tua lai ah om hi,” a ci leuleu hi. Tua ahih manin tua hun a kipanin nungzui pa in ama inn ah Jesuʼ nu Mary a kem hi.

Johan 19:16

Tua ahih ciangin singlamteh tungah thah dingin amauteʼ khut sungah Jesu a pia ta hi.

Mattiu 20:19

Gentail mite in simmawh bawlin, satin, singlamteh tungah a khai dingin amaute khut sungah a pia ding uh hi. Ahi zongin a ni thum ni-in kihingkiksak ding hi,” ci-in a tuamin thu a hilh hi.

Gamlak-vakna 15:35

Topa in Moses kiangah, “Tua mipa kithat ding hi. Mihonte khempeuh in giahphual pua ah suang tawh amah deng ding uh hi,” a ci hi.

Mattiu 26:2

“Na theih sa uh mah bangin tu zawh ni nih khit ciangin Paisan Pawi hun hong tung ta ding hi. Tua ciangin singlamteh tungah thah dingin Mihing Tapa kipia ding hi,” a ci hi.

Marka 15:20

Tua bangin a simmawh bawl khit uh ciangin a puansan suahkhiatsak uh a, ama puan ngeite a silhsakkik uh hi. Tua ciangin singlamteh tungah thah dingin a paikhiatpih uh hi.