Mattiu 27:26 - Tedim Bible Revision 2017

²⁶ Tua ciangin amauteʼ deihna bangin Barabbas khah a, Jesu ahihleh a sat khit ciangin singlamteh tungah thah dingin a pia khia hi.

Tedim Bible

²⁶ Pilat in amaute kiangah Barabbas khah a, Zeisu ahih leh, a satsak khit ciangin singlamteh tungah thah dingin a pia hi.

Mattiu 27:26 Referans Kwoze

Isaiah 53:5

Ahih hangin eiteʼ khialhna hangin amah kiliamsak a, eiteʼ mawhna hangin amah kisatnim hi. Ama gim thuakna hangin nopna i ngah a, ama liamna hangin damna i ngah hi.

Johan 19:1

Tua ciangin Pilat in ama kiangah Jesu paipih sakin a satsak hi.

Marka 15:15

Pilat in mihonte lungkimsak nuam ahih manin Barabbas khah a, Jesu a satsak khit ciangin singlamteh tungah thah dingin galkapteʼ khut sungah a ap hi.

Luka 23:16

Tua ahih manin amah satna tawh thuhilhin ka khah ding hi,” a ci hi.

Isaiah 50:6

Hong satte, ka nung ka dawh a, ka khamul-in a hong kai mite, ka paang ka dawh hi. Maizumna le cilphihna panin ka maitang ka hei kei hi.

1 PETER MASA 2:24

Eite, mawhna lamah misi bangin, thuman lamah nungta-in i gamtat theih nadingin Khris mahmah in eiteʼ mawhna ama pumpi mahmah tawh singlamteh tungah a pua hi. B

Marka 10:34

Tua mite in amah simmawh bawlin, cilphihin, satin a that ding uh hi. Ni thum khit ciangin amah thokik ding hi,” a ci hi.

Mattiu 20:19

Gentail mite in simmawh bawlin, satin, singlamteh tungah a khai dingin amaute khut sungah a pia ding uh hi. Ahi zongin a ni thum ni-in kihingkiksak ding hi,” ci-in a tuamin thu a hilh hi.

Johan 19:16

Tua ahih ciangin singlamteh tungah thah dingin amauteʼ khut sungah Jesu a pia ta hi.