Mattiu 27:2 - Tedim Bible Revision 2017

² Sikkhau tawh khihin paipih uh a, tua gam sungteng a uk Pilat mangpa khut sungah a ap uh hi.

Tedim Bible

² khau tawh a hen khit uh ciangin Pilat mangpa kiangah a paipih uh hi.

Mattiu 27:2 Referans Kwoze

Sawltak 3:13

I pupite Abrahamʼ Pasian, Isaacʼ Pasian le Jakobʼ Pasian in a nasem Jesu tungah ama vangliatna a pia hi. Note in aana neite khut sungah tua Jesu na pia uh a, Pilat mangpa in amah khah dingin a ngaihsut khit nangawnin Pilatʼ maitang mahah amah na nial teitei uh hi.

Mattiu 20:19

Gentail mite in simmawh bawlin, satin, singlamteh tungah a khai dingin amaute khut sungah a pia ding uh hi. Ahi zongin a ni thum ni-in kihingkiksak ding hi,” ci-in a tuamin thu a hilh hi.

1 TIMOTI MASA 6:13

Na khempeuh tungah nuntakna a pia Pasian le Pontias Pilat mai ah hang takin thu a gen ngam Khris Jesuʼ mai ah nang ka hong thupiakna in:

Luka 13:1

Tua laitakin tua lai-a om mi pawl khat in Jesu kiangah, Galilee mite in Pasian kiangah biakna pia-in a om laitakin Pilat in a thah miteʼ thu a gen uh hi.

Hebru 13:3

Amaute tawh thong a kia khawm bangin kingaihsunin thong sunga om mite na phawk un. Note zong leitung pumpi mah tawh a nungta lai na hih manun gimna a thuak mite na phawk un.

2 TIMOTI NIHNA 2:9

Ama hangin a kingah Lungdamna Thu ka hilh manin gimna ka thuak a, mi that bangin sikkol hong kibulh hi. Pasianʼ thu ahihleh sikkol kibulh thei lo hi.

Sawltak 28:20

Israel mite in a lamet uh mipaʼ hangin sikkhau khihna thuakin thong kia mi ka suak hi. Hih thute khempeuh note kiangah hong gen nuam ka hih manin a hong samsak ka hi hi,” a ci hi.

Sawltak 24:27

Ahi zongin tua zawh kum nih hong bei ciangin Feliks sepna pen Porsias Festas in hong laih hi. Feliks in Jew miteʼ pahtak ding ut ahih manin thong sungah Paul a omsak suak hi.

Sawltak 22:29

Tua ahih manin Paul thu a dong dingin a gei-a om mite a paikhia uh hi. Sikkhau tawh a khih khit ciangin Paul pen Rom gam mi ahihna a phawk ciangin galkap mangpa zong lau-in a lunghimawh hi.

Sawltak 22:25

Amaute in sat dingin a hen khit uh ciangin Paul in a gei-a ding galkap bupa kiangah, “Khial hi, ci-in thu nangawn a kisit nai lo Rom mi khat na sat ding uh ngeina ahi hiam?” a ci hi.

Sawltak 21:33

Paul kiangah galkap mangpa hong pai-in man a, sikkhau nih tawh Paul a khih nadingun thu a pia hi. Tua ciangin, “Hih mipa kua hi a, bang gamta ahi hiam?” ci-in a dot ciangin,

Sawltak 12:6

Herod in Peter thu sit dingin a lakkhiat ding ma a zan sungin, Peter a khut nih tuakin sikkhau kikhihin alang tuakah galkapte in lenin tua galkap nih kikalah kilumsak a, tua banah thongcingte in a kongah cing lai uh hi.

Sawltak 9:2

Topaʼ thu a zui mi numei pasal a muh peuhpeuh manin Jerusalem khua ah a ciahpih theih nadingin Damaskas khua-a Jew mi kikhopna inn ukte kiangah a lah dingin lai a ngen hi.

Sawltak 4:27

A cih mah bangin Herod le Pontias Pilat in hih khuapi sung teek mahah Gentail mite le Israel mite tawh kikupna nei uh a, nangmah in Khris dingin na bawl, a siangtho na Nasem pa Jesu thah dingin a vaihawm uh hi.

Johan 18:24

Tua ciangin Annas in Jesu a kikhih sa mahin siampi lianpen pa Kaiafas kiangah a puak hi.

Johan 18:12

Tua ahih manin galkapte le a bute le Jew mi palikte in Jesu manin hen uh a,

Luka 20:20

Tua ahih manin a hunhoih ngakin vil gige uh a, ukna aana a neiteʼ khut sungah Jesu a ap theih nadingun ama kampau tawh a mat nopna-un, lungsim takpi tawh thu dong a va kineihkhem dingin mi pawl khat thukan dingin a cial uh hi.

Luka 3:1

Gam tampi a uk Sisar Tiberius in a uk zawh a kum sawm le kum ngana, Pontias Pilat in Judea gam ukin, Herod in Galilee gam ukin, a nau Filip in Iturea gam le Trakhonitis gam ukin, Lysanias in Abilene gam uk a,

Piancilna 22:9

Ama kiangah Pasianʼ gen sa mun a tun uh ciangin, Abraham in tua lai ah biakna tau khat bawlin, a ngeina ding bangin sing koihin, a tapa Isaac henin biakna tau tunga sing tungah a koih hi.

Mattiu 28:14

Gam ukpa Pilat in hih thu a zak ciangin ama lungkim zawh nading dongin ka na genpih ding uh a, note adingin bangmah lunghihmawhna om lo ding hi,” a ci uh hi.

Luka 23:1

Tua ciangin a vekpi-in ding khia uh a, Pilat mai ah a paipih uh hi.

Luka 23:12

Hih hun ma-in Herod le Pilat kilem loin kigal bawl uh a, ahi zongin tua ni mahmah in amau tegel kilem kikin kipawl bawl uh hi.

Johan 18:28

Tua ciangin Kaiafasʼ inn panin gam ukpa Pilatʼ omna kumpi inn ah Jesu a paipih uh hi. Tua hun pen zingsang tung ahi hi. Jew mite ahihleh Paisan Pawi annekna sungah kihel nuam uh ahih manin biakna vai-in a siang a suah theih nadingun kumpi inn huang sungah lut lo uh hi.

Thukhente 15:12

Tua ciangin amaute in Samson kiangah, “Filistia miteʼ khut sungah nang kong piak theih nadingun nangmah a hen dingin kong pai suk uh hi,” a ci uh hi. Samson in amaute kiangah, “Note mahmah in nong thah loh nading uh kei tungah hong kiciam un,” a ci hi.