Mattiu 27:19 - Tedim Bible Revision 2017

¹⁹ Tua banah, thukhen zumah thusitin a om hunsung mahun, a zi in thu zasak a, “Tu zan ka mang sungin ama hangin nakpi takin gimna thuak ka hih manin, mawhna nei lo tua mipa bangmah cih kha kei in,” a ci hi.

Tedim Bible

¹⁹ Pilat in thukhenna tokhom tungah a tut lai takin a zi in ama kiangah mi khat sawl a, “Tua miphapa tawh bangmah kikumin na hih kei in. Bang hang hiam na cih leh, tuni-in ka mang sungah tua pa hangin gimna nakpi-in ka thuak hi,” ci-in kam a khak hi.

Mattiu 27:19 Referans Kwoze

Mattiu 27:24

A gengen hangin bangmah phattuamna om loin buaina piang zaw kha ding, ci-in Pilat in a theih ciangin, tui la-in mihonpiʼ muhin a khut sil a, “Hih mipa a sihna thu ah kei ka kihel kei hi. Note in thei ta un,” a ci hi.

1 PETER MASA 2:22

Khialhna bangmah gamta lo a, zuau a gen lam zong kiza ngei lo hi.

Johan 19:13

Pilat in hih bangin miteʼ kikona a zak ciangin Jesu paikhiatpih a, Hebru pau-in Gabbatha a kici Suangphahpek tunga thukhenna tokhom tungah a tu hi.

Luka 23:47

Galkap mangpa in hih thupiang a muh ciangin Pasian phat a, “Hih pa, mihoih taktak khat ahi hi,” a ci hi.

Paunak 29:1

Kihilh napi-in a mang nuam lote bawl phat zawh nawn loh dongin kisia ding uh hi.

1 JOHAN MASA 2:1

Ka itte aw, note na khialh khak loh nading uh ka deihna-in hih lai a hong gelh ka hi hi. Ahi zongin mi khatpeuh a khialh ciangin eite adingin Pa Pasian kiangah a hong thumsak dingin a thuman Jesu Khris i nei hi.

Mattiu 27:4

“Mawhna a nei lo mipa a si dingin lehhek kha ka hih manin ka mawh hi,” a va ci hi. Ahi zongin amaute in, “Kote tawh bang kisai nawn ding ahi hiam? Nangma tavuan ahi hi,” a na cih san uh hi.

Mattiu 2:22

Ahi zongin Arkhelaus in a pa Herodʼ za laihin Judea gam uk mahin a omna thu a zak ciangin tua gamah Josef ciah ngam lo hi. Tua ahih manin a mang sung mahah a kihilna bangin Galilee gam sungah lutin,

Mattiu 2:19

Herod a sih khit ciangin Egypt gam a om Josef kiangah Topaʼ vantungmi khat hong kilang a,

Mattiu 1:20

Ahi zongin hih bangin thu a ngaihsut laitakin a mang sungah Topaʼ vantungmi khat hong kilang a, “David suan Josef aw, Mary sunga nau pen Kha Siangtho in a gaisak ahih manin amah teenpih ngam lah kei in.

Zekhariah 9:9

Zion mite aw, nakpi takin lungdam un. Jerusalem mite aw, lungdamin awng un. En un, na kumpipa uh hong pai hi. Amah, gualzawhna tawh hong pai hi. Ahi zongin kiniamkhiatna tawh hong pai a, sin nai loh la no tungah hong tuang hi.

Isaiah 53:11

Amah in a gimna thaman mu-in a lungdam ding hi. A mawk thuak ahih lohna thei-in a thuman ka nasem pa in mi tampi tak a dik suaksak dinga, amah in amauteʼ mawhnate pua ding hi.

Gamlak-vakna 12:6

Topa in, “Ka thu za un: Noteʼ lakah kamsang a om leh Topa keimah in ama tungah maangmuhna tawh ka kilak a, amah tawh mang sungah ka kiho hi.

Piancilna 31:29

Nang kong siatsak ding keima thu ahi hi. Ahih hangin na paʼ Pasian in zan zanin kei kiangah thu hong gen a, ‘Jakob tungah a pha hitaleh a sia hitaleh na gen ding kidawm in,’ hong ci hi.

Piancilna 31:24

Ahih hangin Aram mi Laban kiangah zanin mang sungah Pasian hong pai-in ama kiangah, “Jakobʼ tungah a pha hitaleh a sia hitaleh kam khat beek na pau loh nadingin kidawm in,” a ci hi.

Luka 23:41

Ei tegel pen i gamtatna tawh kizui-in thu hong kikhen ahih manin ahi ding mah ahi hi. Ahi zongin amah in khialhna bangmah nei lo hi,” a cih khit ciangin

Piancilna 31:11

Tua ciangin Pasianʼ vantungmi in ka mang sungah, ‘Jakob,’ hong ci a, keʼn, ‘Hiah om ing!’ ka ci hi.

Mattiu 27:18

Bang hang hiam cih leh Jesu a hazat man bekun ama kiangah a paipih ahihna thu teltakin a thei hi.

Sawltak 12:21

Kumpipa in a thugen hun ding a ciam kholh ni a tun ciangin a kumpi puan silhin a kumpi tokhom tungah tu a, mite tungah thu a gen hi.

Sawltak 18:12

Rom khutnuai ah Akhaia gam sung a uk dingin Gallio a kikoih ciangin Jew mite hong kikaikhawm uh a, Paul manin zumah a paipih uh hi.

Sawltak 18:16

zum panin amaute a hawl khia hi.

Sawltak 18:17

Amaute in kikhopna inn ukpa Sosthenes manin, zum mai ah sat gawp uh a, ahi zongin Gallio in them khat zong phamawh sa lo hi.

Sawltak 25:6

Tua lai ah Festas ni giat, ni sawm bang a taam khit ciangin Sisaria khua ah a ciah hi. A zing ciangin thukhen tokhom tungah tu a, ama mai ah Paul a kipaipih nadingin thu a pia hi.

Sawltak 25:10

Paul in, “Keimah thu hong kisit nading munin a kilawmna, gam uk kumpipa thukhenna mai ah ka va ding ding hi. Nang mahmah in zong teltakin na theih ding bangmahin Jew mite tungah bangmah siatna ka bawl kei hi.

Sawltak 25:17

Ka cih mah bangin hih lai ah amaute a hong tun uh a zing ciangin thukhenna tokhom tungah tu pahin, a mipa hong kipaipih nadingin thu ka pia hi.