Mattiu 26:59 - Tedim Bible Revision 2017

⁵⁹ Siampi liante le uliante in Jesu a thah theih nadingun zuau teci a pang ding mi a zong uh hi.

Tedim Bible

⁵⁹ Siampi liante leh upate in Zeisu thah nadingin thuzuau teci a zong uh hi.

Mattiu 26:59 Referans Kwoze

Mattiu 5:22

Ahi zongin keʼn note kiangah kong genin ah: A sanggampa tungah a heh mi in thukhenna thuak kha thei ding hi. A sanggampa kiangah, ‘Bangmah a kimang lo,’ ci-in a ko bawl mi in uliante mai ah thusitna thuak thei dinga, a sanggampa kiangah, ‘Mihai,’ ci-in a simmawh mi in hell meikuang sungah khulna thuak thei ding hi.

Paunak 25:18

A lawmteʼ lang khat ah teci man lo a pang mi pen molhtum, namsau, ahih kei leh thal hiam tawh kibang hi.

Late 27:12

Ka langteʼ deihna bangin kei hong nusia kei in; bang hang hiam cih leh teci man lote ka langah pang khin a, amaute in zuau genin kei hong tawng niloh uh hi.

Johan 18:19

Siampi lianpen pa Annas in Jesu kiangah ama nungzuite thu le a thuhilhna tawh kisai thu a dong hi.

Johan 18:21

Tua ahih manin bang hangin kei kiangah hong dong se na hi hiam? Ka thugen a za mite kiangah dong lecin ka gen teng amaute in hong gen thei ding uh hi,” ci-in a dawng hi.