Mattiu 26:51 - Tedim Bible Revision 2017

⁵¹ Jesu tawh a om khawm mite khat in a namsau dokin siampi lianpen paʼ nasem pa a sat leh, a bil a sat khia hi.

Tedim Bible

⁵¹ Tua lai takin Zeisu a tonpihpa khat in a khut zan a, namsau a dawh khit ciangin siampi lian ukpa’ nasem khat a sat leh, a bil a satkhia hi.

Mattiu 26:51 Referans Kwoze

2 KORIN NIHNA 10:4

Koteʼ zat galdona hiam pen leitung galhiam lelte hi lo a, galteʼ panmun phualpi a susia zo ding Pasianʼ galhiam khauhte ahi hi.

Johan 18:36

Tua ciangin Jesu in, “Keima ukna pen hih leitung gam hi lo hi. Keima ukna hih leitung gam hileh Jerusalem khua-a Jew mi ulianteʼ khut sungah hong kipiak loh nadingin ka nungzuite in a do ding uh hi. Tua ahih manin keima ukna pen hih leitung tawh kizom lo hi,” a ci hi.

Marka 14:47

Tua laitakin a gei-a dingte khat in a namsau dokin siampi lianpen paʼ nasem pa a sat leh a bil a sat khiatsak hi.

Mattiu 26:35

Ahi zongin Peter in, “Nang tawh sih khawm nading ciang dong ahi zongin kong nial ngei het kei ding hi,” a ci veve hi. Tua mah bangin nungzui dang khempeuh in zong a ci ciat uh hi.

Luka 9:55

Ahi zongin Jesu kihei-in amaute a taii hi.