Mattiu 26:39 - Tedim Bible Revision 2017

³⁹ tawm khat pai lai-in leilak ah bokin thu ngen a, “Pa aw, ahi thei ding ahihleh hih thuak nading tawh hong kipelhsak in. Ahi zongin keiʼ deihna bang hi loin nangma deihna bang hizaw tahen,” a ci hi.

Tedim Bible

³⁹ Zeisu mai lamah tomkha pai-in boksukin, “Ka Pa aw, hih hai in kei tawh a kipelh zawh leh, hong kipelhsak in. Ahih hangin keima deihna bang hi kei hen. Nangma deihna bang hi ta hen,” ci-in thu a ngen hi.

Mattiu 26:39 Referans Kwoze

Johan 6:38

Bang hang hiam cih leh keima ut bangin a sem ding hi loin kei hong sawl paʼ deihna bangin a sem dingin vantung panin a hong pai ka hi hi.

Filippi 2:8

Amah hong kiniamkhiat tawm a, singlamteh tung nangawn ah sih ding a ut hi.

Mattiu 26:42

Tua ciangin a nih veina va paikikin thu ngen a, “Pa aw, keima thuak lohin ahi thei lo ding ahihleh nangma deihna bang hi tahen,” a ci hi.

Hebru 5:7

Leitungah mihingin Jesu a om lai-in sihna panin amah a hon khia thei ding Pasian tungah thu ngenin khitui naptui tawh thumin na kiko hi.

Johan 5:30

“Keima thu guak tawh ka hih theih bangmah om lo hi. Pasianʼ hong genna bang bekin thu ka khen hi. Keima ut bangin sem loin kei hong sawl paʼ deih bangin sem ka hih manin ka thukhenna thuman hi.

Johan 14:31

Ahi zongin leitung mite in Pa Pasian ka itna thu a theih nadingun Paʼ vaihawmna bangbangin a gamta ding ka hi hi. Tua ahih manin kithawi un; hih lai mun panin paikhia ta ni,” a ci hi.

Johan 18:11

Tua ciangin Jesu in Peter kiangah, “Na namsau a paai ah siat in. Ka Pa in thuak dingin a hong piak thu thuak lo ding ka hi hiam?” a ci hi.

Johan 11:41

Tua ahih manin a suangtum a lik khia uh hi. Jesu zong van lam dak to-in, “Pa aw, ka thungetna hong ngai na hih manin ka nuam mahmah hi.

Mattiu 20:22

Ahi zongin Jesu in, “Na nget uh na thei kei uh hi. Ka thuak ding gimna note in thuak zo ding na hi uh hiam?” ci-in a dot ciangin amaute in, “Ka thuak zo ding uh hi,” a ci uh hi.

Gamlak-vakna 16:22

Amaute bok suk uh a, “Pasian, mi khempeuhteʼ tungah nuntakna a pia Pasian aw, mi khatʼ khialhna hangin mihon khempeuhteʼ tungah nang heh ding na hi hiam?” a ci uh hi.

Mattiu 24:24

Bang hang hiam cih leh Khris a kineihkhemte le kamsang a kineihkhemte hong piang dinga, ahih zawh leh a teel sa mite nangawn a khem nadingun lim le nalamdang lian pipi hong bawl ding uh hi.

Ezekiel 1:28

Tua a taang khuavak in meii lakah sakhituihup a kai ciangin a neih mel nam tuamtuam khempeuh a nei kim hi. Topaʼ vangliatna lim pen tu-a ka gen bang ahi hi. Hih bang ka muh ciangin leilak ah ka bok suk a, tua ciangin awging khat ka za hi.

2 SAMUEL NIHNA 15:26

Ahih hangin amah in, ‘Na tungah lungkimna ka nei kei hi,’ hong cih leh, en in, hih lai ah kei ka om hi; amah in hoih a sak bangin kei tungah hong bawl hen,” a ci hi.

Gamlak-vakna 14:5

Tua ciangin Israel mihon kikhawmte khempeuhʼ mai ah Moses le Aaron bok suk uh hi.

Mangmuhna 19:10

Tua ciangin amah a bia dingin a khe phung ah ka kun suk a, ahi zongin amah in, “Kei hong bia kei in. Kei pen Jesuʼ hong thugente a lenkip nang le na sanggamte khempeuh tawh nasem khawm khat ka hi hi. Pasian bia in!” hong ci hi. Jesuʼ thugen in kamsang nasep sepnop nading lungsim a guan ahi hi.

1 KHANG TANGTHU MASATE 21:16

Tua ciangin David khuadak to a, leitung le vantung kikalah Topaʼ vantungmi dingin, a khut sungah a kidok sa namsau khat omin Jerusalem tungah a zan mu hi. Tua ciangin David le a upate puanhampi silhin maipuk uh hi.

Piancilna 17:3

Tua ciangin Abram kun suk hi. Pasian in ama kiangah,

Sawltak 10:25

Peter hong tun ciangin Kornelias in na dawn a, a khe kiangah bokin a bia hi.

Luka 17:16

Tua ciangin Jesuʼ khe mai ah bokin a lungdamna a ko hi. Hih mipa pen Samaria mi ahi hi.

Marka 13:22

Bang hang hiam cih leh Khris kineihkhemte le kamsang kineihkhemte hong piang dinga, ahih zawh leh a teel sa mite nangawn a khem nadingun lim le nalamdangte hong bawl ding uh hi.

Isaiah 50:5

Topa Pasian in thu theihtelna hong guan hi. Amah ka lehdo kei a, zong ka nungngat kei hi.

Isaiah 53:12

Tua ahih ciangin amah pen mi liante tawh nate ka hawmsak dinga, amah in mihatte tawh nate a hawm ding hi. Bang hang hiam cih leh amah in sihna dongin a nuntakna pia khia a, khialhna a nei mite tawh a kisim khawm hi. Ahih hangin amah in mi tampiʼ mawhna pua a, khialhna a neite adingin a thumsak hi.

Johan 5:19

Tua ahih manin Jesu in amaute kiangah, “A mantakin gen lehang: Tapa in ama thu bek tawh bangmah sem lo a, a Pa in a sep a muh teng bek a sem ahi hi. Tua hi a, a Pa in a sep teng mah a Tapa in zong a sem ahi hi.