Mattiu 26:27 - Tedim Bible Revision 2017

²⁷ Tua ciangin hai la a, lungdamna a koh khit ciangin amaute tungah pia-in, “Na vekpi-un dawn un.

Tedim Bible

²⁷ Hai zong la a, hehpihna a phat khit ciangin amau pia a, “Note’n na vekpi-un dawn un.

Mattiu 26:27 Referans Kwoze

1 KORIN MASA 10:16

Nekkhawm bawlna ah leenggahzu hangin Pasian tungah lungdamna ko-in i dawn ciangin Khris sisan hangin thuphate eite in zong a ngahkhawm cihna hi lo ahi hiam? I balnen anlum i nek ciangin zong Khris pumpi hangin thuphate mah a ngahkhawm cihna hi lo ahi hiam?

Isaiah 25:6

Vanglian Topa in hih mual tungah mi khempeuh adingin an lim nekna pawi, a ciil mahmah leenggahzu nekna pawi, guhngek tawh a kidim annekna, a siangtho leenggahzu ciil nekna pawi bawl ding hi.

1 KORIN MASA 11:28

Tua ahih manin a kuamah peuh ki-entel masa phot uh henla, tua khit ciangin Topaʼ anlum ne-in a hai panin leenggahzu dawn pan tahen.

Luka 22:20

Tua mah bangin an a nek khit uh ciangin amaute tungah hai pia a, “Hih leenggahzu pen note adingin a luang khia, Pasianʼ thuciamna thak a kipsak ka sisan ahi hi.

Isaiah 55:1

A dangtak mi peuhmah tui phualah hong pai un. An nei lote aw, hong pai unla hong ne un! Hong pai un; a man ding bangmah piak kul loin leenggahzu le bawngnawi na duh zahzah uh hong ne un.

Solomon la 7:9

Na kam, leenggahzu bangin khum zungzung hi. Ka ngaihno tungah leenggahzu khum luang henla, a muk a ha tawk kim hen.

Solomon la 5:1

Itluat ka lawmnu aw, ka huan sung hong tung zo ing. Ka paknamtuite ka kaikhawm hi. Ka khuaizu le ka khuailuzu ka ne a, ka leenggahzu le ka bawngnawite ka dawn hi. Nungak le tangval aw, na lungkim piikpeek dongun ne-in dawnin nuamsa un.

Late 116:13

Topa in kei hong hotkhiat ka lungdamna hangin, ama kiangah tui phih biakna ka paipih ding hi.

Mattiu 15:36

Anlum sagih le a ngasate la-in Pasian tungah lungdamna a koh khit ciangin balnenin a nungzuite tungah pia a, a nungzuite in mihonpite mai ah a lui uh hi.

Mattiu 26:26

Tua bangin an a nek laitakun, Jesu in anlum la-in lungdamna a koh khit ciangin balnen a, a nungzuite kiangah pia-in, “La unla ne un; hih pen ka pumpi ahi hi,” a ci hi.

Mattiu 26:28

Mi tampiteʼ mawhna a mai nadingin a luang khia, Pasianʼ thuciamna a kipsak, ka sisan ahi hi.