Mattiu 26:10 - Tedim Bible Revision 2017

¹⁰ Ahi zongin Jesu in hih thu phawk ahih manin amaute kiangah, “Hih numei bang nuammawh na hi uh hiam? Kei tungah a kilawm mahmah in amah hong gamta hi.

Tedim Bible

¹⁰ Zeisu in a theih ciangin, “Tua numei bang hangin bawlsia na hi uh hiam?

Mattiu 26:10 Referans Kwoze

Titu 3:8

Hih ka thugente a man mahmah ahi hi. Tua ahih manin Pasianʼ thu a um mite in gamtat hoih a neih theih nadingun hih ka hong thugente na lim ngaihsut ding ka deih hi. Ka hong thugente a hoih hi a, mite adingin a manpha vive ahi hi.

Hebru 13:21

ama deihna bangin na na sep theih nadingun a kisam thuhoihte khempeuh note tungah hong guanin, ama lungkimna bangin i gamtat theih nadingin Jesu Khris hangin eite sungah na hong sem henla, Khris in a tawntungin minthanna ngah paisuak tahen. Amen.

Titu 3:14

I mite om mawk loin, thu kisam a phamawhte huh thei-in, na hoih na phate a sep theih nadingun na hilh in.

Titu 3:1

Na mite in hong uk kumpite le aana neiteʼ thu mangin, thuhoih khempeuh a sem dingin a kiging sa-in a om ding uh phawksak inla,

Titu 2:14

I mawhna khempeuh panin hong hon khia ding le ama neihtuam i suah theih nadingin Jesu a mahmah hong kipumpiak a, eite pen gamtat hoih gamtat ding a lawp mahmah ihi hi.

Titu 1:16

Pasian a thei-in a kigen uh hangin a gamtatnate uh tawh kilehbulh hi. Amaute a muhthadah huai, a thumang lo, na hoih sem dingin a kilawmna a om lo mite ahi uh hi.

2 TIMOTI NIHNA 2:21

Mi khatpeuh a hoih lo na khempeuh panin kikemin a siangtho takin a om nakleh na hoih nam khempeuh a sem dingin a Topa tungah ki-apin, a Topa tungah a manpha suak ahih manin a thupi diakte ah amah kizang ding hi.

1 TIMOTI MASA 5:10

Tua banah a gamtat hoihna a kitheite, a tate hoihtakin a khansuah sate, a inn ah zin le leengla do a siam mite, kiniamkhiatin Pasianʼ miteʼ khe a silsakte, a lungkham mite a huhte le thu khempeuh ah a hoih gamtat mite hi lai ding uh hi.

1 TIMOTI MASA 3:1

Mi khatpeuh, pawlpi sia nasep a ut leh a hoih mahmah ahi hi, a cihna thu a man ahi hi.

2 THESALONIKA NIHNA 2:17

note lungsimah thakhauhna hong guan henla, a hoih thu khempeuh genin a sem zo dingin na tha uh hong hatsak tahen.

Kolose 1:10

Tua bang hileh Topaʼ deihna bangin nungta-in, amah a lungkimsak ding thute bek na sem tawntung ding uh a, na gamtatnate uh a hoih bekbek hong hi-in, Pasianʼ thu na theihna uh hong khang semsem ding hi.

Efesa 2:10

Eite a hong bawlpa pen Pasian hi a, Jesu Khris tawh i kipawl ciangin i nuntakna ah gamtat hoih a nei dingin a hong bawl ihi hi. Hih pen eiteʼ om zia dingin a na ngaihsut kholh sa ahi hi.

Galati 6:17

A tawpna ah ka gen nop thu in: Ka pum tunga om meima pawn pen Khris sila ka hihna lim ahih manin kuamah in kei hong nawngkaisak nawn kei tahen.

Galati 5:12

No hong lungkhamsak mite in a maban uh nawtsuak uh henla, a ut leh a pasal na teng nangawn uh at khia mangkhin vet uh hen!

Galati 1:7

A taktakin ci lehang lungdamna thu a dang a om hi lo a, mi pawl khatte in noteʼ lungsim hong toknawi-in, Khris hanga lungdamna thu hei-in thudang tawh laih nuam uh ahih manin, tua amauʼ deih thu pen lungdamna thu a cihsak mawkmawk ka hi hi.

2 KORIN NIHNA 9:8

Note in na kisap khempeuh uh na neih theih nading uh le midangte huh nading zong na neih thuah theih nadingun Pasian in hong pia thei hi.

Marka 14:6

Ahi zongin Jesu in, “Bangmah cih se kei un! Bang hangin nawngkaisak na hi uh hiam? Amah pen a kilawm a hoihin kei tungah hong gamta hi.

JOB (Job) 13:7

Pasianʼ min dingin thuman lo genin, ama adingin zuau thu gensak ding na hi uh hiam?

Nehemiah 2:18

Tua ciangin a dik ka Pasian in kei hong ompihna le kumpipa in kei tungah hong gen thute zong amaute tungah ka gen hi. Tua ciangin amaute in, “Tu-in nasep kipan pah ni,” hong ci uh hi. Tua ahih ciangin lawp mahmahna le ngimna hoih tawh nasep a kipan uh hi.

1 PETER MASA 2:12

Gentail mite in note mihoih lo hi, ci-in hong gensia nuamin mawhna hong zon ciangin, noteʼ hoihna bekbek mu-in, Pasian a hong pai Ni ciangin a phat theih nadingun amaute lakah na gamtatna uh hoihsak tawntung un.

Mattiu 26:9

Hih sathau kizuak leh sum tampi tak kikhawng dinga, mizawngte huhna-in kipia thei ding hi,” a ci uh hi.

Mattiu 26:11

Mizawngte pen note tawh hong om khawm tawntung dinga, ahi zongin note tawh kei ka hong om khawm tawntung kei ding hi.

Luka 8:49

Tua bangin thu a gen laitakin kikhopna inn ukpaʼ inn panin kamtai khat hong tung a, “Na tanu si khinzo ta hi. Siapa gimsak nawn kei in,” a hong ci hi.