Mattiu 25:7 - Tedim Bible Revision 2017

⁷ Tua nungakte zong tho-in a meivak uh hong puah ciat uh hi.

Tedim Bible

⁷ tua nungakte tho-in a meivak ciat a bawl uh hi.

Mattiu 25:7 Referans Kwoze

Luka 12:35

Tua ciangin Jesu in, “Na kawng uh gakin, na mei uh vakin a kiging sa-in om unla,

2 PETER NIHNA 3:14

Tua ahih ciangin ka itte aw, hih Ni ding ngakin na om laitakun Pasianʼ muhna ah paubaanna om het loin amah tawh nuam takin na om khawm theih nadingun hanciam un.

Mangmuhna 3:2

Tua ahih manin khua phawk unla, na neih lai sunte uh a bei mang ma-in thasaan phakik un. Bang hang hiam cih leh na nasepnate uh Pasianʼ muhna ah a cingtaak nai het lo ahihna thu ka thei hi.

Mattiu 25:1

“Tua hun ciangin vantung ki-ukna zia pen zi nei thak pa a uap dingin a meivak uh tawh a pai nungak sawmte tawh kibang ding hi.

Mattiu 25:6

Ahi zongin zankim tak ciangin, ‘Zineipa hong tung ta ding hi. Va dawn un,’ ci-in hong kiko hi.

Mattiu 25:8

Tua ciangin a haite in a pilte kiangah, ‘Ka mei uh mit ta ahih manin na meitui uh hong hawm un,’ a cih ciangin