Mattiu 25:41 - Tedim Bible Revision 2017

⁴¹ “Tua ciangin a veilamah a om mite kiangah, ‘Pasian in a samsiat mite aw, keima kiang panin paikhia unla, Dawimangpa le a nungzuite adingin a kibawl meikuang tawntung sungah pai un.

Tedim Bible

⁴¹ Tua ciangin, a veilamah a omte kiangah Kumpipa in, ‘Ciamsiatna a thuak mite aw, dawimangpa leh ama nungzuite ading a kibawl meikuang tawntung sungah kei kiang panin paikhia un.

Mattiu 25:41 Referans Kwoze

2 PETER NIHNA 2:4

Bang hang hiam cih leh vantung mite nangawn in khialhna a neih ciangin Pasian in khah khong loin hell khuk sungah khia a, Thukhen Ni hun dong ngakin khuamial sungah kol bulh sa-in a omsak hi.

2 THESALONIKA NIHNA 1:9

Ama mite khempeuh le thu um mite khempeuh hangin minthanna le pahtawina a ngah dingin Topa hong pai Ni ciangin a noptuak mahmah Topaʼ minthanna huam sung panin amaute kihawl khia dinga, tawntung suksiatna dan a thuak ding uh hi. Ahi zongin note in kong gen uh thute um na hih manun tua nopna sungah na om ding uh hi.

Mattiu 13:42

meikhuk pi sungah tua bang mite lawn ding uh a, tua lai ah amaute kapin a hagawi ding uh hi.

Mattiu 13:40

Tahumte kikaikhawmin meikhuk sungah a kikhultum mah bangin leitung bei hun ciangin tua bangmahin kihih ding hi.

Johan 8:44

Note pen na pa uh Dawimangpaʼ tate na hi uh a, na pa uh deihna bangin a gamta nuam na hi uh hi. A kipat a kipanin na pa uh mi that hi a, thuman gen ngei lo ahih manin thuman tawh kipawl thei lo hi. Amah pen zuauna khempeuh a pianna a zuaugen pa ahih manin zuau a gen ciangin ama ngeina hi lel hi.

Mattiu 7:23

Tua ciangin keimah in amaute kiangah, ‘Note ka hong thei ngei kei hi. Siatna a gamta mite aw, kei kiang panin kihem khia un,’ ka ci ding hi.

Mattiu 3:12

Amah in a khut ah anzapna tawi-in a ante zap a, a taksate khawmin a ansal sungah koih dinga, a ansite ahihleh a mit ngei lo mei sungah a khul ding hi,” ci-in thu a hilh hi.

Hebru 6:8

Ahi zongin tua leitang in lingkungte le sialtalling kungte hong posak leh Pasian in samsia-in, mei tawh kihal tum ding hi.

Mattiu 13:50

meikhuk pi sungah tua migilote a khul ding uh hi. Tua lai ah kapin a hagawi ding uh hi.

Isaiah 66:24

Amaute a ciah uh ciangin kei hong lehdo miteʼ luanghawmte en ding uh hi. Bang hang hiam cih leh amau a ne thante si ngei loin, amau a kihalna mei mit ngei lo dinga, amaute pen mi khempeuhʼ kih hi ding hi, a ci hi.

1 JOHAN MASA 3:10

Hih pen Pasian tate le Dawimangpaʼ tate a kilamdanna ahi hi. A manin gamta loin, a Khristian mipihte a it lo mi peuhmah, Pasianʼ tate hi lo uh hi.

Luka 16:24

Tua ahih manin nakpi takin kiko a, ‘Pa Abraham aw, kei hong hehpih in. Meiphual sungah omin nakpi takin gimna thuak ka hih manin Lazaras in a khutme dawn tui diahin ka leii hong votsak nadingin hong sawl in,’ a ci hi.

Luka 13:27

Ahi zongin amah in, ‘Note koi panin a hong pai cih kong thei kei hi. A giloin a gamta note khempeuh aw, kei kiang panin paikhia un,’ hong ci ding hi.

Mattiu 25:46

Tua ahih ciangin tawntung gim thuakna sungah amaute pai ding uh a, mihoihte ahihleh nuntak tawntungna sungah lut ding uh hi,” a ci hi.

Mattiu 18:8

“Na khut ahi a, na khe in ahi zongin hong khialhsak leh sattan inla paikhia in. Meikuang tawntung sungah khut kim khe kimin hong kikhiat sangin nuntakna sungah khut sam khe samin lut lecin nang adingin hoih zaw ding hi.

Mattiu 5:22

Ahi zongin keʼn note kiangah kong genin ah: A sanggampa tungah a heh mi in thukhenna thuak kha thei ding hi. A sanggampa kiangah, ‘Bangmah a kimang lo,’ ci-in a ko bawl mi in uliante mai ah thusitna thuak thei dinga, a sanggampa kiangah, ‘Mihai,’ ci-in a simmawh mi in hell meikuang sungah khulna thuak thei ding hi.

Jeremiah 17:5

Topa in kong cih in ah: “Mi bek muangin miʼ hatna bek suang a, Topa tawh a lungsim a kilehngat mi in hamsiatna a ngah ahi hi.

Late 139:19

Pasian aw, migilote that inla, kei kiang panin mi that theite pai khiasak in.

Late 119:115

No, siatna a bawlte aw, Pasianʼ thupiakte ka zuih theih nadingin kei kiang panin paikhia un.

Late 119:21

Nangmah in na thupiaknate panin a pial khia, a kisamsiat, a kiphasakte na thuhilh hi.

Late 6:8

Siatna a bawlte khempeuh aw, ka kiang panin kihem khia un; bang hang hiam cih leh Topa in ka kahna aw a za hi.

Mattiu 4:10

Jesu in, “Satan aw, tai khia in. Lai Siangtho in, ‘Na Topa Pasian bek bia inla, ama na bek sem in,’ ci hi lo ahi hiam?” ci-in a dawng hi.

Mattiu 25:42

Bang hang hiam cih leh ka gilkial laitakin an nong pia kei uh a, ka dangtak laitakin tui nong pia kei uh a,

2 THESALONIKA NIHNA 1:7

tu-a gimna a thuak note le kote tungah zong nopsakna hong pia ding hi. Vantung panin Topa Jesu le a vanglian a vantung mite, meikuang tawh hong kilat ciangin,