Mattiu 25:37 - Tedim Bible Revision 2017

³⁷ Tua ciangin mihoihte in, ‘Topa aw, cikin na gilkial hong mu-in an hong pia a, cikin na dangtak hong mu-in tui hong pia ka hi uh hiam?

Tedim Bible

³⁷ Miphate in, ‘Topa aw, na gilkial lai takin cika hong mu a, an hong pia ka hi uh hiam? Na dangtak lai takin cika hong mu a, na dawn ding tui hong pia ka hi uh hiam?

Mattiu 25:37 Referans Kwoze

Mattiu 6:3

Ahi zongin note in mi cimawhte citna tawh na huh uh ciangin na lawm naihuai pente uh nangawn in hong theih loh nadingun pia unla,

1 KHANG TANGTHU MASATE 29:14

“Ahih hangin kote in hih bangin utna tawh kong piak nadingun kei kua hi a, ka mite bang ahi hiam? Bang hang hiam cih leh na khempeuh nang kiang pan hong pai hi a, nangma aʼ mah nang tungah a hong pia ka hi uh hi.

1 KORIN MASA 15:10

Tua bang hitaseleh Pasianʼ hehpihna tawh tu-a ciangah ka om a, kei tungah a hong piak ama hehpihna a mawkna suak lo hi. Sawltak dangte khempeuh sangin na nakpi takin ka sem zawsop hi. Tua ka sep zawhna pen keima hatna hang hi loin Pasianʼ hong hehpihna hang ahi hi.

Isaiah 64:6

Kote khempeuh mawhnei mi ka hi khin uh a, ka gamtat hoih khempeuh uh zong puan nin tawh kibang lai veve hi. Kote khempeuh singteh bangin ka vul uh a, ka mawhna hangun huih letkhiat nahthel keu ka bang uh hi.

Paunak 15:33

Topa zahtakna pen pilna mah hi pah a, kiniamkhiatna in pahtawina hong ngahsak hi.

Mattiu 5:6

Pasianʼ deih teng sep ding a hanciamte Pasian in lungkimna ngahsak ding ahih manin thupha ngah mi ahi uh hi.

Mattiu 25:36

puan nei loin ka om laitakin puan nong guan uh a, ka cinat laitakin nong veh uh a, ka thongkiat laitakin nong hawh uh hi,’ a ci ding hi.

Mattiu 25:38

Cikin khualmi na hih laitakin hong mu-in zin hong do a, cikin puan nei lo na hih laitakin hong mu-in puan hong guan ka hi uh hiam?