Mattiu 25:34 - Tedim Bible Revision 2017

³⁴ Tua ciangin Kumpipa in a tak lamah a om mite kiangah, ‘Ka Pa in thupha a piak mite aw, hong pai ta un. Leitung piancil a kipanin note adingin a kibawl khol sa gam nuam hong luah un.

Tedim Bible

³⁴ Tua ciangin a ziatlamah a omte kiangah Kumpipa in, ‘Ka Pa kiangah hehpihna ngahte aw, leitung pian’cil akipan, note ading a kibawlkholsa Gamah hong pai un la hong luah un.

Mattiu 25:34 Referans Kwoze

Jeim 2:5

Sanggamte aw, hoihtakin na ngai un. Pasian a it mite tungah piak dingin a ciam vantung gam a ngah ding le upna thu ah mihau a suak dingin Pasian in leitung mizawngte a teel hi napi-in,

Mangmuhna 21:7

A gualzo mi khempeuh in kei tung panin a ngah ding thu in: Kei pen amauteʼ Pasian ka hi dinga, amaute keima ta ahi ding uh hi.

Mangmuhna 13:8

Tua ahih manin a kigo Tuuno laibu sungah a nungta ding miteʼ min, leitung pianmapekin a kikhumna ah a kihel lo leitung mi khempeuh in tua ganhing bia ding uh hi.

Mattiu 20:23

Jesu in amaute kiangah, “Keima thuak mah bangin note in na thuak takpi ding uh a, ahi zongin ka taklam le ka veilam a tut ding pen keiʼ hong piak theih hi lo hi. Ka Pa in a seh sa mite ading bek ahi hi,” a ci hi.

Mangmuhna 17:8

Tua na muh ganhing nidangin a om hangin tu-in om nawn lo hi. Ahi zongin tu-in kuahawm thukpi panin hong pusuakin sihna a thuak dingin paikhia ding hi. Tua ganhing nidangin omngei a, tu-in om nawn lo napi-in khatvei hong kilangkik ding ahih manin, a nungta miteʼ min a kikhumna laibu sungah leitung pian ma-in a kigelh nai lo, tu laitakin leitungah a om mite in tua ganhing a et uh ciangin lamdang sa ding uh hi.

Hebru 4:3

Ahi zongin eite ihih leh amah in, “Ka heh manin ka kiciam a, ‘Hih leitang ah hong lut lo ding uh a, ka tawlngakna munah hong pai-in kei tawh hong tawlnga khawm ngei lo ding uh hi,’ a cihte bang hi loin ei thu umte pen Pasian tawh a tawlnga khawm ihi hi. Leitung a piansak cil pek a kipanin a nasep a man khin hi napi-in tu-a bangin thu gen veve lai hi.

Luka 12:32

Tua ciangin Jesu in, “Tuu hon tawmnote aw, lau-in lunghimawh kei un. Na Pa un ama Ukna sungah ukna thu a nei dingin a hong seh sa ahi hi.

Hebru 11:16

Ahi zongin amauteʼ lunggulh pen leitung sangin a hoih zaw vantung gam ahi hi. Pasian in amaute adingin khuapi khat na vaihawmsak ahih manin, tua bang mite in amah pen ka Pasian uh hi, ci-in a gen ding uh Pasian in maizumna in na ngaihsun lo hi.

1 KORIN MASA 15:50

Sanggamte aw, note kiangah ka hong gen nop thu in: Pasianʼ Ukna sungah hih leitung si le sa pumpi lut thei lo dinga, a sia thei pumpi pen a sia thei lo pumpi suak thei lo ding hi.

Mattiu 25:41

“Tua ciangin a veilamah a om mite kiangah, ‘Pasian in a samsiat mite aw, keima kiang panin paikhia unla, Dawimangpa le a nungzuite adingin a kibawl meikuang tawntung sungah pai un.

Isaiah 6:5

Tua ciangin keimah in, “Gim ngah pa hi ta ing! Bang hang hiam cih leh a mawknapi ka hi hi; ka kam a ka thugen khempeuh a mawkna vive hi a, a thugen khempeuh uh mawhna le nitna ahi mite lakah ka teeng kha hi. Vanglian Topa, Kumpipa ka mu kha khinta hi,” ka ci hi.

Mangmuhna 19:16

A puan tung le a phei tungah, “Kumpiteʼ Kumpi, topateʼ Topa,” ci-in a min kigelh hi.

1 KORIN MASA 2:9

Tua ahih manin Lai Siangtho sungah, “Kuamah in a muh ngei loh, a zak ngei loh, piang thei dingin zong a ngaihsut loh uh thu pen Pasian in amah a it mite adingin a bawl kholh sak sa ahi hi,” ci-in na kigelh hi.

Mattiu 25:21

a topa in, ‘Hoih mahmah hi; a hoih a citak nasem pa aw, a tawmno na zekna ah siam na hih manin a tampi tak ka hong zeksak ding hi. Hong pai in; kei tawh nuamsa khawm ni,’ a ci hi.

Mattiu 19:29

Keima hangin a inn, a sanggam numei, a sanggam pasal, a nu, a pa, a tate, a leitang, khat peuhpeuh a nusiate in a zah za khat ngahkikin, nuntak tawntungna zong a ngah ding uh hi.

Mattiu 13:35

Hih bangin thu gentehna a zatna pen kamsang Isaiah in, “Thu gentehna zangin thu ka gen dinga, leitung piancil a kipan a kithei lo thute ka gen ding hi,” ci-in a gen kholhsakna thu a tun nading ahi hi.

1 PETER MASA 3:9

Hong bawlsiate siatna tawh thukkik loin hong samsia mite samsiakik kei unla, Pasian in note a hong sap lai-in thupha a hong piak dingin hong ciam sa ahih manin, hong siat bawlte thupha tawh na thuk zaw un.

2 TIMOTI NIHNA 2:12

Eite in gimna i thuak paisuak zawh leh amah tawh i uk khawm ding hi. Amah i nial leh amah in zong eite hong nial ding hi.

Galati 5:21

enna, zukhamna le biakna pawi ah zukhamna a kipan a dangdangte ahi hi. A beisa hunah ka hong hilhkholh sa bangin tu-in ka hong genkikin ah: Hih bangin a gamta mite pen Pasianʼ Ukna sungah om kha het lo ding hi.

1 KORIN MASA 6:9

Migilote, Pasianʼ Ukna sungah a lut het loh nading thu na thei uh hi. Note kihai bawl kei un. Numei tawh a paktatte, milim biate, mi zi ahih kei leh mi pasal tawh a mawhte, pasal le pasal a khialte,

Luka 19:38

“Pasian in Topaʼ tangin a hong pai kumpipa, thupha pia tahen. Vantungah nopna om henla, Pasianʼ min thang tahen,” ci-in a awng uh hi.

Mattiu 5:19

Tua ahih manin hih thukhamte lak pan a neu pente khat bek nangawn zui kha loin, midangte in zong a zuih loh nadingin a gen mite pen vantung ki-ukna sungah mi neu pen hi ding uh hi. Ahi zongin hih thukhamte zui-in, midangte in zong a zuih nadingin a hilh mite pen vantung ki-ukna sungah mi lian hi ding uh hi.

Mattiu 3:2

“Vantung ki-ukna hun hong nai ta ahih manin na mawhnate uh kisikkik un,” a ci hi.

Zefaniah 3:15

Topa in na galte hong phiatkhiatsak khin a, hong langpang khempeuh hong hawl khiatsak khin hi. Topa ahi Israel kumpipa nang tawh hong om a, na launa ding bangmah om nawn lo hi.

Daniel 9:25

Hih thu ciamteh inla thei in: Jerusalem lamkikna ding thu a kipiak hun a kipan sathau kinilh pa hong pai dong kum sagih mun sagih sung hi ding hi. Jerusalem kongzing lampi nei le kulhpi nei-in kilamkik dinga, kum sawm guk le nih mun sagih sung kip dinga, ahih hangin buai hunsung ahi ding hi.

Isaiah 33:22

Bang hang hiam cih leh Topa pen eiteʼ thukhen, Topa pen eite hong ukpa, Topa pen eiteʼ kumpi ahi hi. Amah in eite hong hon khia ding hi.

Isaiah 9:7

Tu hun a kipanin a tawntungin David kumpi tokhom tung le ama gam sungah thutang le thuman phutin, a lian semsem ama ukna le nopsakna in mong nei lo ding hi. Vanglian Topa’ deih luatna in hih thu hong tungsak ding hi.

Late 2:6

“Ka mual siangtho Zion tungah ka kumpi ka tusak khin hi,” ci hi.

Mangmuhna 5:10

Pasianʼ na a sem dingin siampi za le kumpi za na pia a, amaute in leitung ukin a om ding uh hi,” a ci uh hi.

1 PETER MASA 1:9

Tua bangin na upna uh hangin kha thu ah hotkhiatna a ngah na hi uh hi.

Hebru 9:26

Tua bangin va pai zelzel hileh leitung piancil a kipanin a va thuak zelzel ding ahi hi. Ahi zongin amah biakna-in a va kipiakna hangin a kimang paisuak a suah theih nadingin mawhmaisak nadingin hun bei kuan ciangin amah khatvei a va kipia hi.

2 TIMOTI NIHNA 4:8

Thu a manin a khen Topa in tua Ni ciangin kei a hong piak ding thuman lukhu ahi gualzawhna thaman in tu-in kei hong ngak gige hi. Kei tung bekah a hong pia ding hi lo a, ama hong paikik ding itna tawh a ngakte khempeuh tungah zong a pia ding ahi hi.

1 THESALONIKA MASA 2:12

Note hong hehnemin ka hong hanthawn uh a, amah tawh ukna le minthanna a ngahkhawm dingin a hong sam Pasianʼ lungkimna bangin na gamtat theih nadingun ka hong gengen uh hi.

ROM (Romans) 8:17

Eite pen ama ta ihih manin mite adingin a koih thuphate i ngah banah Khris adingin a koihte zong i ngahkhawm lai ding hi. Bang hang hiam cih leh Khris in a thuak mah bangin i thuak nakleh amah a minthan mah bangin ei zong i minthang ding hi.

Sawltak 3:26

Eite khempeuh i gitlohna panin kikheelin thupha a hong piak theih nadingin Pasian in a Nasem dingin Jesu teelin, eite kiangah a hong sawl masa ahi hi,” ci-in thu a gen hi.

Johan 19:15

amaute in, “That in, that in, singlamteh tungah that in,” ci-in a kiko uh hi. Pilat in, “Na Kumpipa uh that mawk ding ka hi hiam?” a cih ciangin siampi liante in, “Rom gam khempeuh a uk Kumpipa sim loh kumpi dang ka nei kei uh hi,” ci-in a dawng uh hi.

Johan 12:13

Tua ahih manin amah a dawn dingin Jerusalem panin mihonpi pai khia-in nisuh hiangte tawi kawmin, “Pasian phat un! Pasian in Topaʼ min tawh hong pai pa thupha pia tahen! Pasian in Israel Kumpipa thupha pia tahen!” ci-in a kiko uh hi.

Johan 1:49

Tua ciangin Nethanel in, “Sia aw, nang, Pasianʼ Tapa na hi hi. Israel miteʼ Kumpi zong na hi hi,” a cih ciangin

Luka 11:28

Ahi zongin Jesu in, “Pasianʼ thu za-in a zuite hampha zaw lai hi,” ci-in a dawng hi.

Marka 10:40

Ahi zongin ka taklam a tut ding le ka veilam a tut ding pen keiʼ hong piak theih hi lo a, a tu dingin Pasian in a vaihawmsak sate ading ahi hi,” a ci hi.

Mattiu 27:37

Tua ciangin amah a mawhsakna uh, “Hih pa, Jew miteʼ Kumpi Jesu ahi hi,” cihna lai gelhin ama lutang sanah a suang uh hi.

Mattiu 25:23

a topa in, ‘Hoih mahmah hi; a hoih a citak nasem pa aw, a tawmno na zekna ah siam na hih manin a tampi tak ka hong zeksak ding hi. Hong pai in; kei tawh nuamsa khawm ni,’ a ci hi.

Mattiu 21:5

Tua a genna ah, “En un, na kumpipa uh hong pai hi. Kiniamkhiatna tawh lapi tung le la no tungah tuangin hong pai hi, ci-in Zion khua mite kiangah gen un,” a ci hi.

Efesa 5:5

Nulepa khialhna a gamta mi, a kilawm lo-a a gamta mi le a huaiham (huaihamna zong milim biakna zahin sia hi) mite in Khris Ukna le Pasian Ukna sungah bangmah ngah nei het lo ding ahihna uh teltakin thei ta un.

Paunak 11:17

Migi lecin nang adingin a hoih a bawl na hi a, gilo lecin nang mahmah a kigimsak na hi bek hi.

Mattiu 25:40

Tua ciangin Kumpipa in amaute kiangah, ‘Note kiangah kong genin ah: Hih ka sanggamte a neu pen khat nangawn na limbawl uh ciangin kei tungah a hong bawl na hi uh hi,’ ci-in a dawng ding hi.

Marka 10:17

Jesu in a khualzinna a zom dingin a paikhiat ding laitakin mi khat hong tai-in a mai ah hong khukdin a, “A dik siapa aw, nuntak tawntungna ka ngah nadingin bang hih ding ka hi hiam?” a ci hi.

Luka 11:50

Tua ahih manin leitung piancil a kipan kamsang a kithatte khempeuh hangin tu hun a mite gim kipia dinga,

Johan 17:24

Pa aw, leitung a pianmapekin kei na hong itna hangin na hong piak pianzia a mu dingin keimah na hong piak mite zong ka omna ah a hong pai theih nading ka deihsak hi.

Hebru 1:14

Vantung mite pen Pasianʼ na a sem, a kimu thei lo khate hi uh a, hotkhiatna a ngah ding mite a huh dingin Pasian in a hong sawl ahi hi.