Mattiu 25:20 - Tedim Bible Revision 2017

²⁰ Tul nga a ngah pa in a dang tul nga mah hong tawithuah in, ‘Topa aw, kei tungah tul nga nong ap hi. Hih lai ah tul nga mah ka meetsak hi,’ hong cih ciangin

Tedim Bible

²⁰ Talen nga a sangpa in va nai a, adang talen nga paipihin, ‘Topa aw, talen nga nong pia hi. En in, adang talen nga amet ka ngah hi,’ a ci hi.

Mattiu 25:20 Referans Kwoze

Sawltak 20:24

Ahi zongin Topa Jesu in kei sep dingin a hong piak, Pasian hehpihna hangin Lungdamna Thu, mite kiangah gen ding nasep ka tangtut zawh nakleh kei nuntakna ah bangbang hong piang taleh a thupi-in ka ngaihsun kei hi.

Jeim 2:18

Ahi zongin mi khatpeuh in, “Mi khat in upna nei a, a dang khat in gamtatna nei hi,” ci zenzen leh, gamtatna in a zui lo upna hong lak dih in; keimah in ahihleh ka upna ka gamtatna tawh kong lak ding hi, ka ci ding hi.

Kolose 1:29

Hih bang a tangtun theih nadingin Khris in kei tungah a hong piak ka thahatna khempeuh zangin, nakpi takin na semin ka hanciam hi.

1 KORIN MASA 15:10

Tua bang hitaseleh Pasianʼ hehpihna tawh tu-a ciangah ka om a, kei tungah a hong piak ama hehpihna a mawkna suak lo hi. Sawltak dangte khempeuh sangin na nakpi takin ka sem zawsop hi. Tua ka sep zawhna pen keima hatna hang hi loin Pasianʼ hong hehpihna hang ahi hi.

Mattiu 18:24

Kumpipa in a sum ba sazian a et a kipat ciangin ama sum mak tampi a ba nasem khat hong kipaipih hi.

Luka 19:13

A dinkhiat ma-in ama nasem mihing sawmte sam a, amaute tungah sum za khat ciat pia-in, ‘Ka om loh sungin hih sumte tawh na siam bangbangun sum na bawl ciat un,’ ci-in a vaikhak hi.