Mattiu 25:12 - Tedim Bible Revision 2017

¹² amah in, ‘Note ka hong thei het kei hi,’ na cih san hi.”

Tedim Bible

¹² Topa in, ‘Ke’n aman takpi kong cih-inah, note kong thei kei hi,’ a ci hi.

Mattiu 25:12 Referans Kwoze

1 KORIN MASA 8:3

Mi khat in Pasian a it leh Pasian in tua mipa a na thei hi.

2 TIMOTI NIHNA 2:19

Ahi zongin Pasian in a phuh sa sutpi kilok zo ngei lo ding hi. Tua sutpi tungah, “Topa in ama mi kua teng hiam cih thei hi,” cihna le, “Topa tawh kipawl ing, a ci peuhmah in mawhna su kha lo ding hi,” cihna kigelh hi.

Johan 10:27

Keima tuute in ka aw za-in thei uh ahih manin kei hong zui uh hi.

Johan 9:31

Pasian in thukham a palsat miteʼ thu ngai lo a, amah bia-in, ama deih bangin a gamta miteʼ thu ngai hi, ci-in ko ka thei uh hi.

Late 5:5

A kisathei mite nangma mit tawh kituak lo a, siatna a bawlte khempeuh nangmah in na mudah hi.

Late 1:6

bang hang hiam cih leh Topa in midikte lamlakin hu tawntung a, migilote ahihleh sia maimang ding uh hi.

Galati 4:9

Ahi zongin note in tu-in Pasian meltheih khinin, tua ahih kei leh Pasian in note hong meltheih khinta ahih manin, a bang hangin bangmah a hih zo lo, a gina lo tua bangte lamah kiheikik nuam a, sila va suakkik nuam na hi uh hiam?

Habakkuk 1:13

Ahi zongin hih a gilo a zuau tat mite bangci thuak zawh na hi hiam? Hih bang siatna a mu dingin na mit siangtho lua a, a gamtat sia mite na thuak zo kei hi. Tua ahih manin amaute sangin a dik zaw mite a suksiatna ah bang hangin daicip na hi hiam?

Mattiu 25:11

Tua khit ciangin nungak haite zong hong tung uh a, ‘Topa, Topa aw, kong hong hon in,’ a cih uh ciangin

Mattiu 25:13

“Tua ahih manin a ni le a hun thei lo na hih manun na pilvang un.”

Luka 13:25

Inn nei pa hong tho-in kong hong khak ciangin, note kong pua lamah dingin kongkhak na kiu ding uh a, ‘Topa aw, kote zong kong hong hon in,’ na ci ding uh hi. Amah in, ‘Note koi lai panin a hong pai na hi uh hiam kong thei kei hi,’ ci-in hong dawng ding hi.