Mattiu 24:49 - Tedim Bible Revision 2017

⁴⁹ a nasep pih a lawmte sat gawp henla, zukham thei mite tawh anne zune-in na om leh,

Tedim Bible

⁴⁹ nasem dangte satgawp a, zukhamte tawh an ne, zu dawn khawm a,

Mattiu 24:49 Referans Kwoze

Mangmuhna 17:6

Tua ciangin mi siangthote le Jesu tungah a cihtak uh manin a kithat miteʼ sisan dawnin zukham a batna ka mu hi. Tua numei ka muh ciangin lamdang ka sa mahmah hi.

Mangmuhna 16:6

Amaute in mi siangthote le kamsangteʼ sisan luangsak uh ahih manin tu-in amauteʼ dawn dingin sisan a pia na hi hi. Hih pen amauteʼ ngah dingin a kilawm ahi hi,” a cihna thu ka za hi.

Mattiu 7:15

“Kamsang taktak ahi lote na muh uh ciangin limtakin kikem un. Amaute in a tungtham ah tuu lim hong pua-in, ahi zongin a sung tawng taktak uh ngia hangsan bang ahi uh hi.

Micah 3:5

Sum a pia zo mite kiangah thunuam gen a, a pia lo mite kiangah gal tuah ding a gen kamsangte in mite lam a khialsak uh hi. Topa in tua bang kamsangte kiangah,

Mangmuhna 13:7

Pasianʼ mite simin a zawh gawp theih nading zong kiphal hi. Minam tuamtuam, pau nam tuamtuam a zang mite khempeuh tungah uk theih nading aana a kipia hi.

Juda 1:12

Noteʼ annek khopna ah zumna mel nei loin hong om gawp uh ahih manin hong siat suah uh a, amauʼ pumpi bek ngaihsun uh hi. Amaute pen cikmahin guah a zusak ngei lo, huih in a letkhiat mang meiipi, tuk hun laitak nangawnin a gah a gah lo, kizunglotin a keutum singkungte,

1 PETER MASA 5:3

Noteʼ kep dingin a hong kipia tuute, aana neihna tawh a cing hi loin tuuteʼ etteh dingin a gamtate na hi un.

Filippi 3:19

Amaute in amau pumpi deihnate Pasian zahin ngaihsun uh a, a maizum nading uh thute ah kisial zawsopin, leitung nate bek ngaihsutin nei uh ahih manin Hell khuk sung a tung ding uh ahi hi.

2 KORIN NIHNA 11:20

Note, sila-in hong bawlin, note hong thangsiahin, na haina uh nuamtak sa-in hong hih thopthopin, note hong simmawh bawlin, na paang uh a hong bengbengte na sang uh hi.

ROM (Romans) 16:18

Tua bang mite in i Topa Khrisʼ na a sem hi loin, gilpi vai bek a sem uh ahi hi. Amaute in mite phatin kam khum nono zang uh ahih manin mihoih pawl khat a khem zo uh hi.

Ezekiel 34:3

Tuunawi ne-in, tuumul silhin, tuu thaute go-in a sa na ne uh hi. Ahi zongin tuute na vak kei uh hi.

Isaiah 66:5

Ama thu ah lau-in a liing mite aw, Topa’ thu za un: Keima tungah note nong cihtakna hangun na mipihte uh pawl khat in note hong mudahin hong hawl khia ding uh a, zahpihna tawh note hong hopihin, “Lungdamin na om ding uh hong deihsak ka hih manun, Topa in ama liatna hong lak henla, note hong hon khia tahen,” hong ci vial ding uh hi. Hih banga hong paute pen mindaina a thuak ding mite ahi uh hi.

Isaiah 56:12

Amaute in, “Hong pai un, leenggahzu nene ni; khamtheih zu dawndawn ni. Zing ciangin zong tu ni sangin nuam zaw lai ding hi,” a ci uh hi.

1 SAMUEL MASA 2:29

Tua ahih ciangin bang hangin keimah hong kibiaknate le ka thupiak ahi keimah hong kipiakte thusim loin, keima mi Israel-teʼ piak a limci pen teng tawh note kithausakin, kei sangin na tapate pahtawi zaw na hi hiam?’ ci hi.

Paunak 23:20

Zu nenete tawh kikhawl kei inla, a uisante tawh kithuah kha kei in.

Mattiu 18:28

“Ahi zongin tua nasem pa a paikhiat ciangin ama sum ngun peek za khat khawng a ba a nasep pih dang khat tawh a kituak hi. Tua pa a gawlin manin, ‘Na leiba hong loh in,’ a ci hi.

Mattiu 24:48

Ahi zongin tua nasem pa nasem hoih lo hi henla, a lungsim sungah, ‘Ka topa hong ciah hak ding hi,’ ci-in,

Mattiu 24:50

a topa tung dingin a up loh ni hun khatpeuhin a topa hong tung dinga,

Johan 2:10

“Midangte in leenggahzu khumte hawm masakin nei uh a, mite in a kham gawp khit uh ciangin a ngeinate hawm pan uh hi. Ahi zongin nangmah in a khum pen teng tu dong na sitlai hi,” a ci hi.