Mattiu 24:39 - Tedim Bible Revision 2017

³⁹ Tuiciin hong tungin tui in mi khempeuh a tupcip hun ciang dong, kuamah in bangmah a theih loh mah bangin Mihing Tapa hong pai ciangin zong kuamah in thei khol lo ding uh hi.

Tedim Bible

³⁹ Tuiciin a tun’ ciangin mi khempeuh a suksiat mateng, bangmah ngaihsun loin a om uh bangin, Mihing Tapa hong pai ciangin a om ding hi.

Mattiu 24:39 Referans Kwoze

Johan 3:20

A gamtat hoih lo mite in a siatna uh a kilat khak ding ut lo uh ahih manin khuavak deih lo uh a, khuavak ah pai nuam lo uh hi.

Mattiu 24:37

Noah hun lai-in up hun lohpi khatin tuiciin a tun bangin Mihing Tapa zong up hun lohpi khatin hong pai ding hi.

2 PETER NIHNA 3:5

Amaute in a kitheih mawh bawl uh thu pen: Tanglai pekin Pasian in ama kampauna tawh vantung le leitung na piangsak hi. Tui sung panin tui mah tawh leitung na piangsak a,

Paunak 29:7

Midikte in mi cimawhte ading thu khual uh a, migilote in tua bang thukhualna thei lo uh hi.

Paunak 24:12

Keʼn thei kha kei ing, na cih nop hangin lungsim a thei Pasian in thei tel veve hi; nang hong encik Pasian in hong tel theihna phawk in. Mi khempeuh a gamtatna bangin a thukkik ding hi.

Luka 19:44

Nang le na kulh sunga om mi khempeuh hong sumai ding uh a, a omna ngei munah suang khat zong om nawn lo ding hi. Hih bang a pianna pen nang a hu dingin Pasian hong pai lam na phawk lohna hang ahi hi,” a ci hi.

Isaiah 42:25

Tua ahih ciangin amah in ama hehna so leh galkidonate eite tungah hong tungsak hi. Israel mi khempeuh lakah ama hehna mei bangin hong kuang a, ahih hangin eite in bangmah i thei kei hi. Tua bang i thuakna hangin eite in bangmah i phawk thei tuan kei hi.

Paunak 23:35

“Hong vuak hangun ka liam kei a, hong sat hangun ka phawk kei hi. Ka pilvang ciangin zu ka nekik ding hi,” na ci ding hi.

Thukhente 20:34

Gibeah khua a sim dingin Israel-te khempeuh sung pan a kiteng khia mi tul sawm hong kuan uh a, a galdo uh haksa mahmah hi. Ahih hangin Benjamin mite in amau adingin siatna a naina thu thei lo uh hi.

ROM (Romans) 1:28

Mite in a man ahi Pasianʼ thu ngaihsutin nei nuam lo uh ahih manin amauteʼ ngaihsut hoih lo bangin a gamtat theih nadingun Pasian in a khah khia hi. Tua ahih manin a gamtat dingun a kilawm lo pipi-in a gamta uh hi.

Piancilna 7:23

Mihing, ganhing, a bok vakte le huihlak vasate, leitung a om nuntakna a nei peuhmah amah in phiat khia hi. Leitung panin amaute kiphiat khia hi. Noah le amah tawh teembaw sunga a om teng bek a suakta uh hi.

Mattiu 16:27

A Paʼ minthanna vang le a vantung mite tawh Mihing Tapa hong paikik dinga, mi khempeuh amauʼ gamtatna ciat tawh a kizui-in a thuk ding hi.

Mattiu 24:3

Oliv Mual tungah Jesu tu-in a om laitakin a nungzuite guak a tuamin hong pai uh a, “Hih thute cik ciangin hong piang dinga, nang na hong pai ding hun le hun bei nading bang lim hong om ding ahi hiam, hong gen in,” a ci uh hi.

Mattiu 24:30

Tua ciangin Mihing Tapaʼ lim vantungah hong kilang ding hi. Tua ciangin leitung minam khempeuh dahin kap ding uh a, vangliatna le minthanna tawh meii lakah Mihing Tapa a hong pai a mu ding uh hi.

Mattiu 24:40

Tua hun laitakin lo a kuan khawm mi nih, khat kila-in khat kinusia ding hi.