Mattiu 24:38 - Tedim Bible Revision 2017

³⁸ Tuiciin a tun ma hunin, teembaw sungah Noah a tum ni hun ciang dong, mite in anne zune-in om uh a, mo kipi, mo kikha-in nuntak ngeina bangin om uh hi.

Tedim Bible

³⁸ Tuiciin a tun’ ma-inah, Noah teembaw sungah a lut ni dongin mite in an ne, tui dawnin, kipi, kiteengsakin a om uh hi.

Mattiu 24:38 Referans Kwoze

Luka 12:45

Ahi zongin tua nasem pa in a lungsim sungah, ‘Ka topa hong ciahkik hak ding hi,’ ci-in ngaihsunin a nasep pih numei le pasalte sat gawp henla, zukham ankhamin om mawk leh,

Piancilna 6:2

van a om mite in leitung miteʼ tanute hoih sa uh ahih manin a deih bangun amaute zi-in a la uh hi.

Luka 21:34

“Limtakin kidawm un. Thakhat thu-in tua Ni hong tung kha ding ahih manin zune anne le leitung nuntakna lunghimawhin thamang kei un.

Luka 12:19

Tua ciangin keimah in: Mi hampha mahmah ka hi hi. Kum tampi sung ka khom ding an nek tui dawn le na hoih tampi ka nei hi. An ne, zu ne-in, a nuam theithei-in ka om hithiat ding hi,’ ci hi.

Mattiu 22:30

Bang hang hiam cih leh misite a thawhkik uh ciangin vantungah a om vantung mite tawh kibang ding uh a, zi nei pasal nei cih om lo ding hi.

Piancilna 7:7

Tuiciin a pelh dingin Noah, a tapate, a zi le a tapateʼ zite teembaw sungah pai uh hi.

Piancilna 7:23

Mihing, ganhing, a bok vakte le huihlak vasate, leitung a om nuntakna a nei peuhmah amah in phiat khia hi. Leitung panin amaute kiphiat khia hi. Noah le amah tawh teembaw sunga a om teng bek a suakta uh hi.