Mattiu 24:37 - Tedim Bible Revision 2017

³⁷ Noah hun lai-in up hun lohpi khatin tuiciin a tun bangin Mihing Tapa zong up hun lohpi khatin hong pai ding hi.

Tedim Bible

³⁷ Noah khan’ lai bangin Mihing Tapa hong kum ciangin hong piang ding hi.

Mattiu 24:37 Referans Kwoze

2 PETER NIHNA 3:6

tui tawh a piansak leitung pen tui mah tawh na susia leuleu hi.

2 PETER NIHNA 2:5

Pasian in tanglai mite khah khong loin amah a um lo mite, tuiciin tumsak a, thuman thutak a hilh Noah le a dang mi sagih bek suaktasak hi.

Hebru 11:7

Noah in zong a upna hang mah tawh mailam a thupiang ding a muh theih lohpi mahin Pasianʼ thugenna na mang a, teembaw khat bawlin a innkuanpihte tawh na suakta hi. Hih bangin a gamtatna tawh leitung midangte a mawh ahihna kilangsak a, a upna hangin mihoih hihna thu Pasian kiang panin a ngah hi.

Mattiu 24:39

Tuiciin hong tungin tui in mi khempeuh a tupcip hun ciang dong, kuamah in bangmah a theih loh mah bangin Mihing Tapa hong pai ciangin zong kuamah in thei khol lo ding uh hi.

Piancilna 6:8

Ahih hangin Noah in Topaʼ maipha mu hi.

Mattiu 16:27

A Paʼ minthanna vang le a vantung mite tawh Mihing Tapa hong paikik dinga, mi khempeuh amauʼ gamtatna ciat tawh a kizui-in a thuk ding hi.

Mattiu 24:3

Oliv Mual tungah Jesu tu-in a om laitakin a nungzuite guak a tuamin hong pai uh a, “Hih thute cik ciangin hong piang dinga, nang na hong pai ding hun le hun bei nading bang lim hong om ding ahi hiam, hong gen in,” a ci uh hi.

Mattiu 24:27

Bang hang hiam cih leh Mihing Tapa hong pai ciangin khuaphialep in van mong khat panin mong khat dong a taanzaihsak mah bangin kithei kim ding hi.

Mattiu 24:30

Tua ciangin Mihing Tapaʼ lim vantungah hong kilang ding hi. Tua ciangin leitung minam khempeuh dahin kap ding uh a, vangliatna le minthanna tawh meii lakah Mihing Tapa a hong pai a mu ding uh hi.