Mattiu 24:36 - Tedim Bible Revision 2017

³⁶ Ahi zongin a ni le a nai hun ding pen kuamah in thei lo hi. Vantungah a om vantung mite ahi a, Tapa nangawn in ahi zongin thei lo a, Pa Pasian bek in thei hi.

Tedim Bible

³⁶ “Tua ni leh tua hun kuamah in thei lo hi. Vantungmite in thei lo uh hi. Mihing Tapa in zong thei lo hi. Pa khat bek in a thei hi.

Mattiu 24:36 Referans Kwoze

Marka 13:32

“Ahi zongin tua ni le tua nai hun ding kuamah in thei lo hi. Vantung a om vantung mite ahi a, Tapa ahi keimah in ahi zongin ka thei kei a, ka Pa bek in a thei hi.

Sawltak 1:7

Jesu in, “Ka Pa in ama thu tawh a seh sa hun le nite, cik ciangin hong tung ding cih thu noteʼ theih ding thu hi lo hi.

Mattiu 24:44

Tua ahih manin Mihing Tapa zong, noteʼ upmawh loh hun laitakin hong pai ding ahih manin note zong na kiging tawntung ta un.

2 PETER NIHNA 3:10

Ahi zongin theih kholh lohpi-in guta bangin Topa hong pai ding Ni hong tung ding hi. Tua Ni ciangin nakpi takin a ging in vantungte maimang sakin, vantung nate mei in kangtumin maimang dinga, leitung le a tunga om na khempeuh a mangthang ding hi.

1 THESALONIKA MASA 5:2

Bang hang hiam cih leh Topa hong pai ding Ni pen zan a gutate bangin theih kholh lohin hong tung ding hi, ci-in note in teltakin na theih sa uh ahi hi.

Mangmuhna 16:15

(“Na ngai un! Guta bangin kei ka hong pai hi. Mihon lakah guaktangin pai-in maizumna a ngah khak loh nadingun a puante uh kemin, pilvang khua phawkin a om mite a hampha ahi uh hi.”)

Mattiu 24:42

Tua ahih ciangin bang hunin na Topa uh hong pai ding cih thei lo na hih manun na pilvang un.

Mattiu 25:13

“Tua ahih manin a ni le a hun thei lo na hih manun na pilvang un.”

Mangmuhna 3:3

Tua ahih manin note a hong kihilh na zak sa uh thute phawkkik unla, tua thute zui-in na mawhna panun kisikkik un. Khua na phawk kei uh leh note kiangah guta bangin ka hong pai dinga, ka hong tun lam nangawn na thei kei ding uh hi.

Zekhariah 14:7

khuamial hun cih zong om lo ding hi. Zan hun nangawnin sun khuavak bek om ding hi. Hih thu a pian ding hun, Topa bek in a thei hi.