Mattiu 24:31 - Tedim Bible Revision 2017

³¹ Nakpi takin peengkul hong ging dinga, leitung mun khempeuh ah a vantung mite hong paisakin, leimong khat pan mong khat dongin, a teel sa mite a kaikhawmsak ding hi.

Tedim Bible

³¹ Amah in peengkul nakpi-in tumsak ding a; ama vantungmite sawlin, amaute in a teelsa mite, lei kiu li pan, van mong khat pan mong khat dongin a kikhawmsak ding uh hi.”

Mattiu 24:31 Referans Kwoze

1 THESALONIKA MASA 4:16

Pasianʼ thupiakna awging lianpi, vantungmi mangpaʼ thugenna le Pasianʼ peengkul hong ging dinga, vantung panin Topa mahmah hong pai suk ding hi.

Marka 13:27

Tua ciangin leitung mun khempeuh ah vantung mite sawl dinga, leimong khat pan mong khat kikalah a om a teel mite khempeuh a kaikhawmsak ding hi.

Isaiah 27:13

Tua ni ciangin peengkul lianpi khat kitum dinga, Assiria gam sunga a mangthang mite le Egypt gam sunga a kihawl khia mite hong pai-in Jerusalem mual siangtho tungah Topa hong bia ding uh hi.

1 KORIN MASA 15:52

Peengkul nunung hong gin ciangin mitphiat kikal sungin i kikhel pak ding hi. Bang hang hiam cih leh peengkul hong gin ciangin misite a si thei nawn lo dingin hong tho dinga, i vekpi-in i kikheel ding hi.

Isaiah 11:12

Amah in minamte adingin lim khat koih dinga, Israel mi a kihawl khiate kaikhawmin, leitung kiu li panin Judah mi a kikhenthangte kaikhawm ding hi.

Mattiu 13:41

Mihing Tapa in a vantung mite hong sawl dinga, ama ukna sungah a om migilote le mi a mawh nadingin a bawl mi khempeuh kaikhawmin

2 THESALONIKA NIHNA 2:1

Sanggamte aw, i Topa Jesu Khris hong pai nading thu le amah a dawn dingin eite i kikhop nading thu tawh kisai-in note kiangah kong thum nopna uh panin:

Efesa 1:10

Tua a geel thu pen, a hunhoih a tun ciangin Khris khutnuai ah, vantung le leitungah a om khempeuh gawm ding ahi hi.

Johan 11:52

Jew mite ading bek hi loin a kithehthang Pasianʼ mi khempeuh pum khat a suah nadingin a kikaihkhop nading thu zong a gen khol ahi hi.

Mattiu 25:31

“Mihing Tapa a vantung mite tawh Kumpi-in hong pai khawm uh ciangin a kumpi tokhom tungah hong tu ding hi.

Isaiah 45:22

“Leitung mi khempeuhte aw, kei lamah hong kihei unla hotkhiatna ngah un! Bang hang hiam cih leh kei pen Pasian ka hi a, kuamah dang om lo hi.

Isaiah 43:6

Keimah in leilu lam kiangah, ‘Pia khia in,’ leitaw lam kiangah, ‘Len nawn kei in; keima piansak ka bawl sa, keima minthan nadingin ka piansak, keima min tawh a kilote khempeuh ahi, ka tapate a gamlapi panin, ka tanute leimong panin hong paipih un,’ ka ci ding hi,” a ci hi.

Late 22:27

Leitung mi khempeuh in phawkin Topaʼ lamah kihei ding uh a, minam khempeuh in ama mai ah bia ding uh hi.

Zekhariah 2:6

Topa in ama mite kiangah, “Mun khempeuh ah note kong thehthang khin hi. Ahi zongin tu-in Babylon panin tai khia-in Jerusalem ah ciahkik un.

Isaiah 60:4

Na kimkot ah khuadak inla mu in. Na mite kikaikhawmin nang kiangah a ciah dingin hong pai uh hi. Na tapate gamlapi panin hong ciah ding uh a, na tanute naungek bangin hong kipua ding hi.

Isaiah 49:18

Na kimkot ah khuadak to inla mu in. Na mi khempeuh hong kikhawm uh a, nangma kiangah amaute hong ciah uh hi. Kei pen a nungta Topa ka hih mah bangin, na mite khempeuh hangin nang na kisial dinga, mothak in kizepna-in a zat bangin amaute khempeuh na zang ding hi.

Isaiah 13:5

Leitung buppi a susia dingin Topa le ama hehna galhiamte gamlapi van mong panin hong pai hi.

Mangmuhna 7:1

Tua khit ciangin leitung kiu li ah vantungmi li, kiu khat ah khat ciat dingin leitung, tuipi tung le singkung khat peuhpeuh a mut khak loh nadingin leitung huih lite lencipin a om uh ka mu hi.

Zekhariah 9:14

Ama mite tungah Topa kilang dinga, a thaltang lotte khuaphia bang ding hi. Topa Pasian in peengkul tum dinga, leitaw lam panin a hong pai huihpi tawh a va kuan khia ding hi.

Thu-hilhkikna 30:4

A kihawl khia na mite uh van mong pekah a om leh zong, Topa na Pasian un tua lai panin note hong khawmin, tua lai panin amah in hong paipih ding hi.

Mangmuhna 8:2

Tua ciangin Pasian mai ah a ding vantungmi sagihte ka mu a, amaute tungah peengkul sagih a kipia hi.

ROM (Romans) 10:18

Tua ahihleh amaute in thu za lo uh ahi hiam? Lai Siangtho sungah, “Amauʼ awgingte leitung khempeuh ah kizel a, a thugente uh in mun khempeuh a ban hi,” ci-in a kigelh mah bangin amaute in thu za khinzo uh hi.

Mattiu 28:18

Tua ciangin amaute mai ah Jesu hong pai a, “Leitungah ahi a, vantungah ahi zongin vangliatna khempeuh kei tungah hong kipia khinta hi.

Mattiu 24:22

Pasian in tua gimna hun a ni khiam lo hileh a suakta zo kuamah om lo ding hi. Ahi zongin ama teel mite a khualna-in a ni a khiam ding hi.

Zekhariah 14:5

Hinnom kuam sung kivukcip dinga, Judah kumpi Uzzahʼ hun lai-in zinlinna a, a kivukcip mah bang ding hi. Tua ciangin Topa ka Pasian hong pai dinga, a mi siangthote khempeuh hong tonpih ding hi.

Daniel 7:2

Mun khempeuh panin huihpi hong nungin tuipi tung a seem gawp hi.

Isaiah 42:10

Topa’ tungah la thak sa unla, leimong panin amah phatna sa un! Tuipi le a sunga omte, tuipi gei-a om gamte le a tunga teeng mite aw, la sa un.

Late 81:3

Khadet, khalik, i pawi ni-in peengkul tum un.

Late 67:7

Pasian in eite thupha hong pia khin hi. Leimong dong mi khempeuhte in amah zahtak uh hen.

Mangmuhna 11:15

Tua ciangin a sagihna vantungmi in a peengkul hong tum a, vantungah nakpi takin aw hong ging a, “Leitung uk nading aana neihna pen i Topa Khris aʼ hong suak khin a, amah in a tawntungin uk paisuak ding hi,” hong ci hi.

Luka 24:47

Jerusalem khua a kipan minam khempeuh tungah a mawhna uh kisikin a kimaisak nading thu, ama min tawh kihilh ding hi, ci-in kigelh hi.

Zekhariah 9:10

Gal kidona leengte Israel gam pan beisakin, sakol galkapte, Judah gam pan ka la khia dinga, galdona a kizang thalte kisusia ding hi. Na kumpipa un minam dangte lakah kilemna thu gen dinga, amah in tuipi mong khat pan tuipi mong khat dong, Eufratis Gunpi panin leimong dongin a uk ding hi.

Mangmuhna 1:20

Tu-in ka taklam khut sungah na muh aksi sagihte le kham kibawl meivakna sagihte a khiatna in: Aksi sagihte pen pawlpi sagihteʼ vantung mite a cihna hi a, meivakna sagihte pen pawlpi sagihte a cihna ahi hi.

Paikhiatna 19:16

A ni thum ni zingsang ciangin van gingin khua phia a, mual tungah meii sahpi kai a, nakpi takin a ging peengkul kitum ahih manin giahphual a om mi khempeuh liing uh hi.

Thu-hilhkikna 4:32

“Pasian in leitungah mi a piansak ni a kipan, noteʼ pian ma-a hun beisa thu tu-in kan unla, van mong khat pan mong khat kikal thu zong kan un. Hih bang na lian piang ngei-in, a kiza ngei peuhmah hiam?

Zekhariah 6:5

Tua ciangin amah in hong dawng a, “Hihte pen huih leeng li a cihnopna hi a, leitung khempeuhteʼ Topaʼ kiang panin a hong paikhia ahi uh hi,” hong ci hi.

Mattiu 24:24

Bang hang hiam cih leh Khris a kineihkhemte le kamsang a kineihkhemte hong piang dinga, ahih zawh leh a teel sa mite nangawn a khem nadingun lim le nalamdang lian pipi hong bawl ding uh hi.

Mattiu 24:32

Theikung tung panin thu phawk un. Thei a hiang hong meengin a teh hong no ciangin khuakhal hun hong nai ta hi, ci-in na thei uh hi.

Hebru 12:19

peengkul tumna awging le a kihtakhuai awgingte na za nai kei uh hi. Israel mite in awging a zak uh ciangin kihta lua uh ahih manin a zakkik nawn loh nadingun a thum uh hi.