Mattiu 23:4 - Tedim Bible Revision 2017

⁴ Amaute in midangte tungah van gik mahmah suanin khihcip uh a, ahi zongin tua van a puak pih dingin a khut meno khat nangawn uh a taangsak nuam kei uh hi.

Tedim Bible

⁴ A gik mahmah, a puak hak van guangin, midangte’ liangko tungah a suat uh hangin, a khutme nangawn uh tawh khin nuam lo uh hi.

Mattiu 23:4 Referans Kwoze

Luka 11:46

Jesu in, “No Thukham hilh siate in zong gimna na thuak ding uh hi. Note in a puak hak mahmah ding van, mite tungah na suan uh a, ahi zongin tua van a puak pih dingin na khut meno khat nangawn uh na tangsak nuam kei uh hi.

Sawltak 15:10

Tua ahih ciangin i pute i pate a kipan ei mahmah in i puak zawh loh van gik pen Pasianʼ heh theihtheih nadingin bang hangin thu um mite tungah suan ding ihi hiam?

Galati 6:13

Vun-atna a zang mite nangawn in Thukham zui nuam tuan lo uh hi. Hih a pualam gamtatna thu note in na zuihna hangun kisial nuam uh ahih manin note in vun-atna na zat ding uh a hong deih uh ahi hi.

Mattiu 23:23

“Mihoih a kineihkhem, no Thukham hilh siate le Farisi mite in gimna na thuak ding uh hi. Note in Pasian tungah lengmasel, masala le kummin sing namtui a kipanin meh namtui nam khempeuh, sawm-ah-khat pia napi-in, thukham sungah a thupi zaw ahi thutang, hehpihna le thumante na don kei uh hi. A dangte nusia tuan loin hih thute na zuih ding uh ahi hi.

Mangmuhna 2:24

Ahi zongin Thiatira khua-a om note pawl khat in tua numeiʼ thuhilhna hoih lote na zui kei uh a, mite in, ‘Satanʼ thu thukpite hi,’ a cih thute na su kha kei uh hi. Note tungah van gik bangmah ka hong suan kei ding hi.

Sawltak 15:28

A kisam mahmah hih a nuai-a thute sim loh, note tungah van gik dang suat ding pen Kha Siangtho le kote ka thukim kei uh hi.

Isaiah 46:1

“Bel pasian puksukin, Nebo pasian kun suk a, tua milimte pen ganhing le bawngte tungah kipua hi. Noteʼ puak hih nate pen a gim mahmah ganhingte tungah a kisuan van gik bangin note tungah hong gik hi.

Mattiu 23:3

amauteʼ gen khempeuh zui-in sem unla, ahi zongin amaute pen a gen bangun gamta lo uh ahih manin amauteʼ gamtat bangin gamta kei un.

1 JOHAN MASA 5:3

Pasian i it ciangin ama thupiakte a zui ihi hi. Eite adingin ama thupiakte zuih ding a haksa lua hi lo hi.