Mattiu 23:38 - Tedim Bible Revision 2017

³⁸ Tu-in na innte kisusiacip ding hi.

Tedim Bible

³⁸ En un, na inn uh mi omlo gam simthamin kinusia ding hi.

Mattiu 23:38 Referans Kwoze

Jeremiah 22:5

Ahih hangin note in hih thute na zuih kei uh leh keimah Topa in kong genin ah, hih inn gamlak a suaksak dingin ka kiciam hi.

Luka 13:35

Tu-in na innte kinusiacip ding hi. ‘Topa min tawh a hong pai mipa, Pasian in thupha pia tahen,’ na cih hun hong tun matengin kei nong mu nawn kei ding hi,” a ci hi.

Luka 21:24

Mi pawl khat, namsau tawh kithat dinga, pawl khat, galmatin gam dangah kiciah pih ding hi. Tua ciangin Gentail miteʼ uk hun a bei matengin Jerusalem khuapi a siacipin om ding hi.

Luka 21:20

“Galkapte in Jerusalem khuapi a umcihna na muh uh ciangin tua khuapi a siat nading nai ta hi, ci-in na thei ding uh hi.

Luka 21:6

“Tu-a na muh uh hih nate khempeuh a siat gawp ding hun hong tung ding hi. Inn lamna-a a kiciang suangte a kithuapin a om nangawn om nawn loin kiphel kek mang ding hi,” a ci hi.

1 KUMPI MASATE 9:7

amaute ka piak sa leitang panin Israel mite ka la khia ding hi. Tua ciangin ka min dingin ka ap sa biakinn pen ka muhna panin ka lawn khia dinga, Israel-te pen mi khempeuh lakah paunak le thu gentehna suak ding hi.

Marka 13:14

“Ama om loh nading pi ah a lipkhaphuai zehphitna a hong om na muh uh ciangin (hih lai a simte in Jesuʼ cihnopna thei ta un!) Judea gam a om mite mual tungah tai un.

Mattiu 24:2

Ahi zongin Jesu in amaute kiangah, “Hihte khempeuh na mu khinta uh hi. Keʼn a mantak a kong genin ah: Hih inn lamna-a a kiciang suangte a kithuapin a om nangawn a om nawn lo zah dongin kilawn keek mang ding hi,” ci-in a dawng hi.

Zekhariah 11:6

Tua ahih ciangin hih gamah a teeng mite ka hehpih nawn kei ding hi. Amaute a ukpa le a kumpipaʼ khutnuai ah mi khempeuh ka koih ding hi. Gam uk mite in gam sungteng susia gawp dinga, amauʼ suksiatna panin kuamah ka hon khia kei ding hi,” hong ci hi.

Daniel 9:26

Tua hun a bei khit ciangin sathau kinilh pa thuman lopi-in a kithat ding hi. Galsim dingin a hong pai galkap maang lianpa in khuapi le biakinnpi a susia ding hi. A beina pen tuiciin tun bang hi dinga, a tawp dongin galdona le kisiatna vive ahi dingin Pasian in thu a khen zo hi.

Late 69:24

Amaute tungah nangma thangpaihna sung suk inla, na sinsona amaute bansak in.

Late 69:25

Amauteʼ phualpi a kilawi mun suak henla, amauʼ buk ah mi khat zong tengsak kei in.

Isaiah 5:9

Vanglian Topa in ka zakna ah hih bangin kiciam a, “A mantakin inn tampi tak hawmsuak dinga, a lian a hoih innte ah a teeng om lo ding hi.

Zefaniah 3:6

Topa in hih bangin thu gen a, “A kiphasak mite ka nil khia a, a gal panmunte uh ka susia hi. A kongzing lampite uh ka kinusiacipsak a, tua lampi kuamah in tawn nawn lo hi. A khuapi uh kisia gawpin kinusia a, a sungah kuamah om nawn lo hi.