Mattiu 23:32 - Tedim Bible Revision 2017

³² Tua ahih manin i pu i pateʼ maban zom to vet un.

Tedim Bible

³² Tua ahih ciangin, na pute na pate’ mawhna tehna seeng na dimsak un.

Mattiu 23:32 Referans Kwoze

Piancilna 15:16

Khang lina ciangin hih lai munah amaute hong paikik ding uh hi. Bang hang hiam cih leh Amor miteʼ mawhna kicing nai lo hi,” a ci hi.

Gamlak-vakna 32:14

En un, Israel mite tungah Topaʼ hehluatna a khangsak to lai dingin, na pu na pate uhʼ tangin hong khang na hi uh hiam!

1 THESALONIKA MASA 2:16

Gentail mite tungah hotkhiatna thu ka gen ding uh hong khaktan uh ahih manin amauʼ mawhna sate a behlap niloh a suak uh hi. Ahi zongin a tawpna ah Pasianʼ hehna amaute tungah a tung ta hi.

Jeremiah 7:26

ahih hangin amau in ka kamsangteʼ thu ngai loin, a bil uh hong ngat lo uh a, a lungsim uh a khauhsak uh hi. A pute a pate uh sangin a sia zaw uh hi.

Jeremiah 32:18

Nangmah in a kikheel ngei lo itna mi tul tampiteʼ tungah na lak a, ahih hangin pateʼ mawhnate tateʼ tungah na thuk hi. Vanglian Topa a kici a lian mahmah, a hat mahmah Pasian aw,

Ezekiel 20:4

“Mihing ahi Ezekiel aw, amaute tungah thu a khen dingin na kiging nai hiam? Na kigin khit leh amaute tungah thu khen in. A pu a pate uhʼ gamtat hoih lohna teng amaute phawksak in.

Mattiu 23:31

Note pen kamsangte a that miteʼ suanlekhakte mah na hih manun na zuaupi uh a gen na hi uh hi.

Mattiu 23:33

Gul a bang miteʼ suanlekhak mite aw, hell khuk tun nading thukhenna panin a suakta dingin bangci-in kilamen thei na hi uh hiam?