Mattiu 23:28 - Tedim Bible Revision 2017

²⁸ Tua mah bangin note zong miteʼ muhin mihoih mahmah bang napi-in na sung tawng taktak uh ah mawhna le kineihkhemna bek a om hi.

Tedim Bible

²⁸ Tua mah bangin note zong, na pualam uh mi mai-ah misiangtho bangin na om uh hi. Na sung lam uh simtatna leh gitlohna tawh na dim uh hi.”

Mattiu 23:28 Referans Kwoze

Luka 16:15

Jesu in amaute kiangah, “Mite in note a man penin hong ngaihsut theih nadingin na om uh a, ahi zongin Pasian in na lungsim tawng uh a hong thei hi. Bang hang hiam cih leh mihingte in a manpha mahmah in a ngaihsutte pen Pasian in bangmahin sim lo hi.

Mattiu 23:5

Amaute in a sepna khempeuh uh miteʼ muh theih dingin a hih se uh hi. Amaute in a talsuan le a banbulhte uh a gol pipi-in bawlin, a puan mongteep uh a sau theithei-in a bawl uh hi.

Late 51:6

Nang in nuntakna sungah thumanna na deih hi. Tua ahih ciangin ka lungsim tawng ah ciimna hong hilh in.

1 SAMUEL MASA 16:7

Ahih hangin Topa in Samuel kiangah, “A tungtham hitaleh a tun sanna hitaleh en kei in. Bang hang hiam cih leh amah ka nolh hi. Topa in mihingteʼ muh bangin mu lo hi. Mihingte in a pualam a kilangte en a, ahih hangin Topa in a lungsim en hi,” a ci hi.

Paunak 26:26

Ama hoih lohna a ip nop hangin mi khempeuh in ama gitlohna thei veve hi.

Mattiu 23:27

“Mihoih a kineihkhem, no Thukham hilh siate le Farisi mite in gimna na thuak ding uh hi. Note pen leikang tawh a kizut manin a pualam a hoih mahmah tawh kibang napi-in a sungah misi guh le a kihhuai nin nam khempeuh a omna hankhuk tawh na kibang uh hi.

Mattiu 23:29

“Mihoih a kineihkhem, no Thukham hilh siate le Farisi mite in gimna na thuak ding uh hi. Note in a si sa kamsangteʼ han, a hoih mahmah in bawlin, a nuntakna uh a hoih, a si sateʼ mual suangte hoihtakin na zem uh a,

Galati 2:13

Thu um Jew midangte zong hong meidawi suah a, amauteʼ gamtatna hangin Barnabas nangawn meidawi-in amaute bangin hong gamta hi.