Mattiu 23:26 - Tedim Bible Revision 2017

²⁶ A mittaw Farisi mite aw, a pualam zong a siangtho a suah theih nadingin hai le kuang sunga a om nate a siangtho hisak phot un.

Tedim Bible

²⁶ Mittaw Farisaite aw, hai leh dalkuang pualam a sian’ nadingin a sunglam sil siang masa un.”

Mattiu 23:26 Referans Kwoze

Jeim 4:8

Pasian kiang nai un. Amah in zong hong nai ding hi. Mawhneite in na khut uh sil siang unla, a kineihkhemte in na lungsim uh siangsak un.

2 KORIN NIHNA 7:1

Tua ahih manin ka hong it lawmte aw, pumpi le lungsim a ninsak theite khempeuh panin kisiansuahin, Pasian zahtakna tawh nungta-in siangtho sinsenin om ni.

Hebru 10:22

Tua ahih manin mawhna thu ah kisuanna lungsim om nawn loin, tui siangtho tawh i pumpi a kisawp sa-in muanna le lungsim takpi tawh Pasian kiang zuan ni.

Mattiu 12:33

“Singgah limci a gah theih nadingin a kung a cidam phot ding kisam a, a kung gina kei leh a gah limci lo hi. Tua ahih manin singkung khat a pianzia pen a gahin hong kithei hi.

Ezekiel 18:31

Na gamtatna sa uh mawhna khempeuh nusia unla, na lungsim uh le na ngaihsutna uh thaksuaksak un. Bang hangin no Israel mite si nuam na hi uh hiam?

Isaiah 55:7

Migilo in ama gitlohna nusia henla, thuman lo mi in ama ngaihsutna nusia hen. Amah in a hehpih theih nadingin Topa eiteʼ Pasianʼ kiangah amah paisak un. Bang hang hiam cih leh a mawhna maisiangsak ding hi.

Luka 6:45

Mihoih pa in a lungsim sunga thuhoih om teng hong suah khia a, migilo pa in a lungsim sunga a gitlohna teng hong suah khia hi. Bang hang hiam cih leh mite pen amauʼ lungsim sunga a om bangbang a hong pau khia uh ahi hi.

Jeremiah 13:27

Na kihhuainate, na angkawmna, na hukna le gamlak mual tungah numei paktat bangin milim pasian peuh na biak kawikawinate ka mu zo hi. Jerusalem aw, gimna ngah ta in. Na siantho nadingin bang tanvei sawt ding ahi hiam, a ci hi.

Jeremiah 4:14

Jerusalem khua aw, nang hong kihotkhiat nadingin na lungsim sung panin gitlohna sawp khia in. Na sungah gitlohna lungsim bang tanvei kemcip ding na hi hiam?

Mattiu 14:8

Tua numei in zong a nuʼ ngaihsut piakna zui-in, “Kuangdai khat sungah Tuiphumpa Johanʼ lutang, hih lai mahmah ah hong pia in,” ci-in a ngen hi.

Marka 7:4

Nek theih zuakna panin a kilei nate zong amau teek mah in a sawp kei uh leh ne lo uh hi. Khanglui ngeina a zuih uh, hai khawng, beel khawng, sumngo kibawl beellekuang khawngte sawp ding cih ngeina a zuih uh tampi om hi.)

Luka 11:39

Tua ciangin Topa in ama kiangah, “No Farisi mite in hai leh kuangte a pualam na siangsak uh a, ahi zongin note na lungsim sung uh ah huaihamin na gi kei uh hi.