Mattiu 22:4 - Tedim Bible Revision 2017

⁴ Tua ciangin nasem dangte sawl leuleu a, ‘Ka khohsak sa mite kiangah hih bangin va gen un: Ka bawngtalte le ka bawng no thaute kigo khin a, nitak an a min sa-in a om banah, na khempeuh a man sa-in om khinta hi. Mopawi an ne dingin hong pai ta un, ci hi, ci-in va gen un,’ a ci hi.

Tedim Bible

⁴ Khatvei, adang nasemte sawl a, ‘Kei ka pawikham nading ka kisa khin zo hi. Ka bawng leh bawngno thaute kigo khin zo hi. Na khempeuh a baihsa-in a om hi. Mopina pawi sungah hong hawh ta un,’ ci-in ka khohsate va hilh kik un,’ ci-in a sawl hi.

Mattiu 22:4 Referans Kwoze

Sawltak 13:46

Tua ciangin Paul le Barnabas in hang takin thu gen uh a, “No Jew mite tungah Pasianʼ thu kong gen masak ding mah uh ahi hi. Ahi zongin note in Pasianʼ thu nialin, nuntak tawntungna a ngah dingin kilawm zo kisa lo na hih manun, note kiang panin pai khia-in Gentail mite kiangah ka pai ding uh hi.

Mattiu 21:36

Tua ciangin lo nei pa in a masa-a sangin nasem a tam zaw va paisak leuleu a, ahi zongin a masa-a mah bangin a nasemte a na bawlsia veve uh hi.

ROM (Romans) 8:32

Ama Tapa nangawn siit loin eite khempeuh adingin hong pia khia ahih manin, na dang khempeuh zong hong pia zaw kan ding hi lo ahi hiam?

Sawltak 1:8

Ahi zongin note tungah Kha Siangtho hong tun ciangin vangliatna tawh na kidim ding uh a, Jerusalem khua sung, Judea gam sung, Samaria gam sung le leimong dongin note in keima thu na gen ding uh hi,” ci-in a dawng hi.

Luka 14:17

Annek ding hun ciangin a nasem pa sawl a, ‘Tu-in na khempeuh a baih sa-in om khin ahih manin hong pai ta un,’ ci-in a khoh sa mite a samsak hi.

Mattiu 22:8

Tua ciangin a nasemte kiangah, ‘Mopawi an a baih sa-in om a, ahi zongin ka sap mite a ne dingin a kilawm lo mi a suak uh hi.

Solomon la 5:1

Itluat ka lawmnu aw, ka huan sung hong tung zo ing. Ka paknamtuite ka kaikhawm hi. Ka khuaizu le ka khuailuzu ka ne a, ka leenggahzu le ka bawngnawite ka dawn hi. Nungak le tangval aw, na lungkim piikpeek dongun ne-in dawnin nuamsa un.

Late 86:5

Bang hang hiam cih leh Topa aw, nangmah hoihin mawhna na maisak a, hong ngente khempeuh tungah itna kip tampi na nei hi.

Nehemiah 9:17

Amaute in thu mang nuam lo uh a, amaute lakah na bawl nalamdangte ngaihsun kha lo uh hi. Amaute lungkhauh niloh uh a, a salsuahna uh Egypt ah a paipihkik dingin makai khat seh uh hi. Ahi zongin nang pen mawhna a maisak nuam, dikin hehpihna a nei, lungduai-in itna kip a nei Pasian na hi a, amaute na nusia tuan kei hi.

Paunak 15:17

Kitawngtawng kawmin sameh lim pen nekna sangin ki-it diamdiamin anteh meh nek hoih zaw hi.

Mattiu 22:5

Ahi zongin a khoh sa mite in na thusim lo uh a, pawl khat in lo na kuan sanin, pawl khat in a sumbuk ah na paisanin,