Mattiu 22:24 - Tedim Bible Revision 2017

²⁴ “Sia aw, Moses in, ‘Mi khat ta nei loin a sih leh tua a si mipaʼ khang a kizop theih nadingin a naupa in a uʼ zi luah tahen,’ ci hi.

Tedim Bible

²⁴ tua ni-in Zeisu kiangah va pai uh a, “Topa aw, mi khat in ta nei loin a sih leh, ama zi a nau in luah hen la, a u’ khang a man’ loh nadingin kizom ta hen,’ ci-in Moses in thu a pia hi.

Mattiu 22:24 Referans Kwoze

Luka 20:28

“Sia aw, Moses in eite adingin ngeina khat hong koihsak a, ‘Mi khat in ta nei loin a zi a sihsan leh, tua a sipaʼ khang a kizop theih nadingin a naupa in tua meigongnu teenpih tahen,’ ci hi.

Marka 12:19

“Sia aw, ‘Mi khat in ta nei loin a zi a sihsan leh tua a si mipaʼ khang a kizop theih nadingin a naupa in tua meigongnu teenpih ding hi,’ ci-in Moses in eite adingin ngeina a koih hi.

Luka 6:46

“Bang hangin, ‘Topa aw, Topa aw,’ hong ci napi-in ka hong gente zui lo na hi uh hiam?

Mattiu 22:36

“Sia aw, thukham khempeuh sung panin bang thukham lian pen ahi hiam?” ci-in a dong hi.

Mattiu 22:16

Amauʼ nungzuite le Herod mi pawl khat, Jesu kiangah a paisak uh hi. Amaute in, “Sia aw, thu ahi bang a gen tawntung na hihna thu ka thei uh hi. Mite kuamah zahtak tuam nei lo na hih manin midangteʼ pau ding bangmah phamawh sa loin Pasian in miteʼ gamtat ding a deihna bangin tangtakin thu na hilh tawntung hi.

Mattiu 7:21

“Kei kiangah, ‘Topa, Topa aw,’ hong ci mi khempeuh, vantung ki-ukna sungah lut thei kim lo ding uh a, vantungah a om ka Paʼ deihna bangin a gamta teng bek lut thei ding uh hi.

Ruth 1:11

Ahih hangin Naomi in, “Kilehkik un, ka tanute aw, bang hangin hong zui ding na hi uh hiam? Noteʼ pasal hong hi thei dingin tapa nei nawn ding ka hi hiam?

Piancilna 38:11

Tua ciangin Judah in a monu Tamarʼ tungah, “Ka tapa Shelah a gol mateng na paʼ inn ah meigongnu-in va om in,” a ci hi. Bang hang hiam cih leh a sanggamte mah bangin amah zong si kha ding ci-in lau hi. Tua ahih ciangin Tamar pai-in a paʼ inn ah a om hi.

Piancilna 38:8

Tua ciangin Judah in Onan kiangah, “Na sanggampaʼ zi tawh lum khawm inla, tua nuʼ tungah pasalʼ sanggamteʼ tavuan sem inla, na sanggampa adingin ta nei in,” a ci hi.

Ruth 3:13

Tu zan om in; zingsang ciangin amah in nang tungah tanauteʼ hih ding hong hih leh pha hi; amah hihsak in. Ahih hangin nang tungah tanauteʼ sep ding a sepnop kei leh, tua ciangin, Topa a nungta ahih mah bangin nang tungah tanau nasep kong sem ding hi. Zingsang dong lum in,” a ci hi.

Ruth 4:5

Tua ciangin Boaz in, “Naomiʼ tung panin a lo na lei ni a kipanin, a siteʼ gamh a siteʼ beh sungah a kip theih nadingin a sipaʼ zi Moab numei Ruth zong a lei na hi hi,” a ci hi.

Mattiu 22:25

Tu-in kote lakah unau pasal sagih omngei hi. A u pen in zi nei a, ta nei loin si ahih manin ama zi a naupa in a luah hi.

Luka 20:33

A unau sagih mahin hih nu teenpih ciat khin uh ahih manin thawhkik ni ciangin hih numei pen a kua penʼ zi hi ding ahi hiam?” ci-in a dong uh hi.