Mattiu 22:19 - Tedim Bible Revision 2017

¹⁹ Siahin na piak ding uh sum hong lak dih un,” a cih ciangin sumtang peek khat hong paipih uh hi.

Tedim Bible

¹⁹ Phiangsiah dangka hong lak un,” a cih leh denarias peek khat hong paipih uh hi.

Mattiu 22:19 Referans Kwoze

Mangmuhna 6:6

Tua ganhing lite lak panin awging bang khat ka za a, “Mangbuh lawhta khat in ni khat tha man a, mangbuhham lawhta thum in ni khat tha mah man hi. Ahi zongin oliv huan le leenggui huan susia kei in,” a ci hi.

Mattiu 20:2

Ni tha ngeina ngun peek khat piak dingin a kithukim khit uh ciangin a leenggah lo ah na a sem dingin pawl khat a kuansak hi.

Mattiu 18:28

“Ahi zongin tua nasem pa a paikhiat ciangin ama sum ngun peek za khat khawng a ba a nasep pih dang khat tawh a kituak hi. Tua pa a gawlin manin, ‘Na leiba hong loh in,’ a ci hi.

Mattiu 17:25

“A piak ngei mah ahi hi,” ci-in a dawng hi. Inn sungah Peter a lut ciangin Jesu in na paupih masa zaw a, “Simon aw, nang na bangci ngaihsut hiam? Leitung kumpite in kuate tung panin siah kai ahi uh hiam? Amau tate tung panin siah kai ahi uh hiam, tua ahih kei leh midangte tung panin kai ahi uh hiam?” ci-in a dot ciangin

Mattiu 22:18

Ahi zongin Jesu in amauʼ gitloh geelna thei ahih manin, “Mihoih a kineihkhem mite aw, bang hangin kei hong thangsiah se na hi uh hiam?

Mattiu 22:20

Tua ciangin Jesu in amaute kiangah, “Hih sum tungah kua lim le kua min om ahi hiam?” ci-in a dot ciangin

Marka 12:16

Amaute in zong dangka peek khat hong paipih uh a, tua ciangin Jesu in, “Hih dangka tunga om kuaʼ lim hi a, kuaʼ min ahi hiam?” ci-in a dot ciangin, “Rom Kumpipa Sisarʼ lim le a min ahi hi,” ci-in a dawng uh hi.