Mattiu 22:16 - Tedim Bible Revision 2017

¹⁶ Amauʼ nungzuite le Herod mi pawl khat, Jesu kiangah a paisak uh hi. Amaute in, “Sia aw, thu ahi bang a gen tawntung na hihna thu ka thei uh hi. Mite kuamah zahtak tuam nei lo na hih manin midangteʼ pau ding bangmah phamawh sa loin Pasian in miteʼ gamtat ding a deihna bangin tangtakin thu na hilh tawntung hi.

Tedim Bible

¹⁶ amau’ nungzuite leh Herod’ nungzuite, Zeisu kiangah sawlin, “Sia aw, nang in thutak genpa na hi hi. Kuamah na kihta kei a, mi maitang zahtak loin Pasian thu a tangtakin na hilh cih ka thei uh hi.

Mattiu 22:16 Referans Kwoze

Marka 3:6

Tua ahih ciangin kikhopna inn panin Farisi mite pai khia-in Herod pawlte kim khat tawh kikhopna nei pah uh a, Jesu a thah theih nading uh a vaihawm uh hi.

Luka 20:21

Hih thukante in Jesu kiangah, “Sia aw, na thuhilhnate le na thugente man mahmah hi. Nang in mi liante zahtak bawl tuan loin, Pasianʼ thu a mantakin na hilhna ka thei uh hi.

Marka 12:14

Amaute in, “Sia aw, nangmah in thutang genin, midangteʼ pau ding phamawh na sak lohna, ulianteʼ maitang zahtak tuan loin, Pasian in mite a gamtat dingin a deihna thute tangtakin na hilhna ka thei uh hi. Tua ahih manin Rom Kumpipa Sisar tungah siah i piak ding kilawm ahi hiam, kilawm lo ahi hiam?

Marka 8:15

Jesu in, “Farisi-teʼ silngo le Herod pawlteʼ silngo kidawm un,” ci-in a hilh khol hi.

1 JOHAN MASA 5:20

Pasianʼ Tapa hong pai-in eite thu hong theisak ahih manin Pasian taktak a thei ihihna thu i thei hi. A Tapa Jesu Khris tawh i kipawlna hangin Pasian taktak mah tawh a kipawl thei ihi hi. Tua Jesu pen Pasian taktak mah hi a, nuntak tawntungna a pia thei ahi hi.

Johan 18:37

Tua ciangin Pilat in, “Tua ahihleh nang kumpi hi lo na hi hiam?” a cih leh Jesu in, “Kumpi hi, nangmah in na hong ci hi. Hih thuman a gen khia dingin mi hong suakin leitungah a hong pai ka hi hi. Hih thuman tawh a kizom mi peuhmah in keima thugen hong zui uh hi,” a cih ciangin

Johan 14:6

Jesu in ama kiangah, “Keimah in Lampi ka hi a, Thuman le Nuntakna zong ka hi hi. Kei hong suang loin Pa kiangah kuamah tung thei lo ding hi.

Johan 7:18

Amauʼ thu bek tawh thu a gente in amauʼ minthan nading a zong hi a, ahi zongin a hong sawl paʼ minthan nading a zong keimah in thuman thutak gen ka hih manin zuau thu kihel lo hi.

Jeim 3:17

Ahi zongin tung lam panin a kingah pilna a siangtho ahi hi. Mi tawh kilem thei-in dik a, mi tawh kikhawl thei a, hehpihna lungsim nei-in gamtat hoih a, mi lang-et lo a, kineihkhem cihte om lo hi.

1 THESALONIKA MASA 2:4

Pasian in kote hong thei-in Lungdamna Thu a hilh dingin kilawm hong sa ahih mah bangin miteʼ lungdam theih nadingin thu a hilh hi loin koteʼ lungsim ngimna a hong thei Pasianʼ lungkim nadingin thu a hilh ka hizaw uh hi.

Galati 2:6

Jerusalem khua-a om makai lian a kinei mite in keiʼ nasepna tawh kisai thu ah bangmah gen thuah ding nei lo uh hi. (Pasian in maitang zahtak tuam nei tuan lo ahih manin hih bangin thu a gen ngam ka hi hi.)

Galati 1:10

Hih bangin thu ka gen ciangin miteʼ hong pahtak theih nading a zong tawh kibang na hong sa uh hiam? Miteʼ pahtak ding a ut ka hi kei a, Pasianʼ hong pahtak ding a hanciam ka hi hi. Mihingteʼ hong pahtak theih nadingin a gamta hi zenzen leng, Khrisʼ nasem ka hi kei ding hi.

2 KORIN NIHNA 5:16

Tua ahih manin kote in mihingteʼ ngeina zia tawh kuamah ka en nawn kei uh hi. Khris mahmah zong mihing lungsim ngaihsutna zia tawh ka et ngei uh hangin tu-in tua bangin ka ngaihsun nawn kei uh hi.

2 KORIN NIHNA 4:2

Ka thuhilhna uh ah mite khembawl loin, Pasian thu zong a man lopi-in ka gen kei uh a, tua bang a zumhuai simtham tatnate ka zang het kei uh hi. Pasian muhna ah a langtangin thuman takin ka gamta uh a, mi khempeuh a lungkim theih nadingin ka hanciam uh hi.

2 KORIN NIHNA 2:17

Ahi zongin kote pen, van gina tum lo a zuak mite tawh a kibang ahi, Pasianʼ thu a gen mawkmawk midangte bang ka hi kei uh a, Pasian in a nasem dingin kote hong sawl ahih manin Khris nasem hihna tawh ama mai ah lungsim takpi tawh thugente ka hi uh hi.

Luka 7:40

Tua ciangin Jesu in, “Simon aw, kong gen nop khat om hi,” a ci hi. Simon in, “Sia aw, bang hong gen nuam na hi hiam?” a cih ciangin

Marka 10:17

Jesu in a khualzinna a zom dingin a paikhiat ding laitakin mi khat hong tai-in a mai ah hong khukdin a, “A dik siapa aw, nuntak tawntungna ka ngah nadingin bang hih ding ka hi hiam?” a ci hi.

Mattiu 26:49

Judas zong Jesu kiangah hong pai pahin, “Topa aw, thupha ngah ta in,” ci-in hopihin limnap mahmah hi.

Mattiu 26:18

Jesu in, “Jerusalem khua sungah va pai unla, tua mipa kiangah, ‘Siapa in, “Ka hun hong nai ta hi. Na inn ah ka nungzuite tawh Paisan Pawi an ka hong ne ding uh hi,” ci hi,’ va ci un,” a ci hi.

Mattiu 22:26

Tua mah bangin a nihna, a thumna a kipan a sagihna dongin ta nei loin a si uh hi.

Mattiu 22:24

“Sia aw, Moses in, ‘Mi khat ta nei loin a sih leh tua a si mipaʼ khang a kizop theih nadingin a naupa in a uʼ zi luah tahen,’ ci hi.

Malakhi 2:9

Tua ahih manin, note in ka thuhilhna zui loin, keima thu na hilh uh ciangin zong a kibangin hilh loin mi na deidan mah uh bangin, kei zong mi khempeuh mai ah simmawhna le niamkhiatna kong ngahsak ding hi,” a ci hi.

Malakhi 2:6

Amaute in thuman taktakte mah hilhin gen uh a, amauteʼ kam panin zuau thu ging khia lo hi. Ka deihna bangin amaute gamta uh a, a khial ding mi tampite, thuman lamah a paisak uh hi.

Paunak 29:5

A man lopi-in mi khat mawk phatna pen a awk nadingin thangsiahna ahi hi.

Late 55:21

Ama kampau, thawhbat sangin nel zaw a, ahi zongin a lung sungah muhdahna om hi. A kammalte sathau sangin nip zaw a, ahi zongin tuate pen namsau hiam mahmah tawh kibang hi.

Late 12:2

Mi kim in a veengte kiangah zuau thu gen ciat a, phat khemna kam zol le lungsim nam nih tawh thu a gen uh hi.

Late 5:9

Bang hang hiam cih leh amau sungah thuman om lo hi. Amau lungsimah siatna bek ngaihsun uh a, amau gawlgui pen a kihong sa hankhuk tawh kibang hi. A kam uh tawh mawk phat uh hi.

1 KUMPI MASATE 22:14

Ahih hangin Mikaiah in, “Topa a nungta ahih mah bangin, Topa in kei tungah hong gen thu ka gen ding hi,” a ci hi.

Thu-hilhkikna 33:9

A nu le a pa sangin nangmah hong thupi ngaihsut zaw uh a, ‘Amaute ka thupi sim kei hi,’ a ci pa ahi hi. Amah in a sanggamte paai khia-in, a tate don lo hi. Bang hang hiam cih leh Levi minamte in na thu hong mangin, na thuciamna zui uh hi.

Marka 12:13

Tua ciangin Jesu ama kampauna tawh a kimat theih nadingin Farisi mi pawl khat le Herod mi pawl khat Jesu kiangah thu dong dingin hong kisawl hi.