Mattiu 22:11 - Tedim Bible Revision 2017

¹¹ “Kumpipa, a leenglate a en dingin a hong lut ciangin mopawi siimna puan a silh lo mi khat a mu hi.

Tedim Bible

¹¹ Kumpipa in a hawhte en dingin a lut ciangin, molakna puan silh lo-a om mi khat a mu hi.

Mattiu 22:11 Referans Kwoze

Mangmuhna 19:8

Puan hoih mahmah, siangin a pak mahmahte, ama silh dingin kipia hi,” a ci uh hi. Tua puan hoih pen Pasianʼ mi siangthoteʼ gamtatna mante ahi hi.

Efesa 4:24

A thutang a siangtho ahihna thu, nuntakna mahmah panin a kilangsak, Pasianʼ pianzia tawh kibangin a kibawl na ngeina thak uh bangin na nungta un.

2 KORIN NIHNA 5:3

Vantung inn ah ka om uh ciangin pumpi nei loin guak om ding ka hi kei uh hi.

ROM (Romans) 13:14

Kidal nadingin, Topa Jesu Khrisʼ hong piak galhiamte zang unla, na pumpi uh deihna bangin gamtat nading hun omsak nawn kei un.

Mangmuhna 16:15

(“Na ngai un! Guta bangin kei ka hong pai hi. Mihon lakah guaktangin pai-in maizumna a ngah khak loh nadingun a puante uh kemin, pilvang khua phawkin a om mite a hampha ahi uh hi.”)

Mangmuhna 3:18

Tua ahih manin na hauh theih nadingun kei kiang panin kham citak hong lei-in a zumhuaipi-in guaktang a na omna uh na kisel nadingun puan pak hong lei unla, khua na muh theih nadingun mit zatui hong lei un.

Mangmuhna 2:23

Tua numeiʼ thu a zui mi khempeuh ka that ding hi. Tua hileh, mihingteʼ ngaihsutna le lungsim a kantel pa ka hihna thu pawlpi khempeuh in thei ding uh hi. Noteʼ gamtatna ciat tawh kizui-in ka hong thukkik ding hi.

Galati 3:27

Khris sungah a kiphum note in Khrisʼ pianzia a nei khinta na hi uh hi.

1 KORIN MASA 4:5

Tua ahih manin a hun a tun ma-in kuamah mawhsakin thu khen kei un. Topa hong pai ciangin a tawpna thukhenna hong om dinga, amah in thusimte hong pholakin, mihingte in a lungsim sung uh ah a ipcip uh thute hong telkheh ding hi. Tua ciangin mi khempeuh in amauʼ ngah dingin a kilawm phatna, Pasianʼ kiang panin a ngah ciat ding uh hi.

ROM (Romans) 3:22

Tua thu in: Jew mi le Gentail mi kuamah a kilamdanna om loin Jesu Khris upna hangin mi khempeuh in Pasian tawh kipawl theihna a ngah hi.

Isaiah 52:1

Zion aw, khanglo in; khanglo inla na tha khauhsak in. Khuapi siangtho Jerusalem aw, na puan hoihte silh in. Bang hang hiam cih leh dawibia mite le a nin mite nang sungah hong pai nawn lo ding hi.

Mattiu 13:30

Anlak hun mateng a nam nihin tua ci om phot hen. Anlak hun ciangin anlate kiangah, “Tahumte bot masa unla, meikhuk ah khul dingin lomhen un. Ahi zongin taangte la-in ka ansal ah hong sung un,” ka ci ding hi,’ ci hi,” a ci hi.

Isaiah 64:6

Kote khempeuh mawhnei mi ka hi khin uh a, ka gamtat hoih khempeuh uh zong puan nin tawh kibang lai veve hi. Kote khempeuh singteh bangin ka vul uh a, ka mawhna hangun huih letkhiat nahthel keu ka bang uh hi.

Mattiu 3:12

Amah in a khut ah anzapna tawi-in a ante zap a, a taksate khawmin a ansal sungah koih dinga, a ansite ahihleh a mit ngei lo mei sungah a khul ding hi,” ci-in thu a hilh hi.

Zefaniah 1:12

“Tua laitakin Jerusalem khua sung meivak tawh ka zong dinga, thuphawk loin, a ngeina bangun omcip a, ‘Topa in a pha hitaleh a sia hitaleh bangmah bawl ngei lo hi,’ a ci mite, gim ka pia ding hi.

Kah la 5:22

Kote hong nial tawntung takpi ding na hi hiam? Na hehna in ciangtan hun nei thei lo ding ahi hiam?

2 KUMPI NIHNATE 10:22

Amah in puan koihna a ukpa kiangah, “Baal a biate khempeuh adingin puante hong la in,” a ci hi. Tua ahih ciangin amah in amaute-aʼ dingin a puante hong paikhiatpih hi.

Mattiu 22:10

Nasemte zong lam lianpi ah va pai uh a, mihoih mihoih lo ci loin a muh khempeuh uh va kaikhawm uh ahih manin mopawi bawlna inn sung dimin leengla hong om hi.