Mattiu 22:10 - Tedim Bible Revision 2017

¹⁰ Nasemte zong lam lianpi ah va pai uh a, mihoih mihoih lo ci loin a muh khempeuh uh va kaikhawm uh ahih manin mopawi bawlna inn sung dimin leengla hong om hi.

Tedim Bible

¹⁰ A nasemte in lampi-ah paikhia uh a, a gi, a gilote, a muh khempeuh a kikhawmsak uh a, mopina pawi sungah mi a dim hi.

Mattiu 22:10 Referans Kwoze

Mangmuhna 7:9

Tua khit ciangin ka khuadak leh mi namkim, pau namkim panin kuama sim zawh loh dingin a tam mahmah mihonpite, tokhom mai le Tuuno mai ah ding uh a, puan pak silhin a khut uh ah nisuh hiang a tawi uh ka mu hi.

1 JOHAN MASA 2:19

Khrisʼ gal ahi hih mite pen eiʼ pawl hi ngei napi-in hong taisan uh hi. Eiʼ pawl taktak hileh eite tawh om khawm paisuak ding uh ahih manin, tu-in amaute paikhia uh ahih ciangin eiʼ pawl taktak ahih lohna uh hong kilang hi.

2 KORIN NIHNA 12:21

Note kiangah ka hong tun ciangin a beisa hunah note tampi tak thaangtatin, numei tawh mawhna, hukna, lannate hangin na khialhnate uh na kisik loh manun keimah dahin kapin, noteʼ muhna ah ka Pasian in kei hong maizumsak khak ding ka lunghimawh mahmah hi.

Mattiu 25:10

Meitui lei dingin amaute a paikhiat kal sungin zineipa hong tung hi. A kiging sa-in a om nungakte in zineipa dawnin mopawi bawlna sungah a lut khawm pah uh hi. Tua khit ciangin kong kikhak hi.

Mangmuhna 5:9

Amaute in la thak khat sa uh a, “Nang Tuuno, tua laizial a la khia ding le a ciaptehnate a la khia dingin na kilawm hi. Nang hong kigo khin ahih manin mi namkim le pau namkim a pau mite sung panin na sisan tawh Pasian adingin mite na lei khin a,

Mattiu 13:38

Lo lai pen leitung hi a, taang ci hoih i cih pen Pasianʼ ukna sungah a om mite ahi uh hi. Tahumte pen Gilopa tawh a kipawl mite hi a,

Mattiu 9:15

Jesu in amaute kiangah, “Mopina pawi khat ah, a zineipa a om sungin a mopawi simte dah dingin um na hi uh hiam? Dah het lo ding uh hi. Ahi zongin amaute kiang panin zineipa a kilakkhiat ding hun hong tung dinga, tua hun ciangin amaute in an a tang ding uh hi.

Mattiu 22:9

Tua ahih manin lam lianpi ah va pai unla, mi na muh zahzah uh hong sam un,’ a ci hi.